ਕਿਸਾਨ ਦੀ ਕਰੰਟ ਲੱਗਣ ਕਾਰਨ ਮੌਤ

ਪੱਤਰ ਪ੍ਰੇਰਕ
ਗੁਰੂਸਰ ਸੁਧਾਰ, 26 ਜੁਲਾਈ
ਨੇੜਲੇ ਪਿੰਡ ਐਤੀਆਣਾ ਵਿੱਚ 40 ਸਾਲਾ ਕਿਸਾਨ ਹਰਮੀਤ ਸਿੰਘ ਪੁੱਤਰ ਹਾਕਮ ਸਿੰਘ ਦੀ ਖੇਤ ਵਿੱਚ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ ਹੈ। ਸਰਪੰਚ ਲਖਵੀਰ ਸਿੰਘ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਠੇਕੇ ‘ਤੇ ਜ਼ਮੀਨ ਲੈ ਕੇ ਖੇਤੀ ਕਰਨ ਵਾਲਾ ਕਿਸਾਨ ਹਰਮੀਤ ਸਿੰਘ ਝੋਨੇ ਨੂੰ ਪਾਣੀ ਲਾਉਣ ਸਮੇਂ ਜ਼ਮੀਨਦੋਜ਼ ਪਾਈਪਾਂ ਰਾਹੀਂ ਆ ਰਹੇ ਟਿਊਬਵੈੱਲ ਦੇ ਪਾਣੀ ਦਾ ਨੱਕਾ ਖੋਲ੍ਹਣ ਸਮੇਂ ਕਰੰਟ ਦੀ ਲਪੇਟ ਵਿੱਚ ਆਉਣ ਕਾਰਨ ਮੌਤ ਦੇ ਮੂੰਹ ਜਾ ਪਿਆ ਹੈ। ਮ੍ਰਿਤਕ ਹਰਮੀਤ ਸਿੰਘ ਆਪਣੇ ਪਿੱਛੇ ਇਕ ਧੀ, ਪਤਨੀ ਅਤੇ ਪਿਤਾ ਨੂੰ ਛੱਡ ਗਿਆ ਹੈ।