ਫਲੋਟੈੱਕ ਕੈਮੀਕਲਜ਼ ਫੈਕਟਰੀ ’ਚ ਧਮਾਕਾ

ਪੱਤਰ ਪ੍ਰੇਰਕ
ਨੰਗਲ, 9 ਫਰਵਰੀ
ਇਥੇ ਪ੍ਰਾਈਮੋ ਕੈਮੀਕਲਜ਼ ਦੇ ਨਾਲ ਲਗਦੀ ਫਲੋਟੈੱਕ ਕੈਮੀਕਲਜ਼ ਪ੍ਰਾਈਵੇਟ ਲਿਮਟਿਡ ਕੰਪਨੀ ਦੇ ਪਲਾਂਟ ਵਿੱਚ ਅੱਜ ਦੁਪਿਹਰ ਵੇਲੇ ਜ਼ੋਰਦਾਰ ਧਮਾਕਾ ਹੋਇਆ ਹਾਲਾਂਕਿ ਘਟਨਾ ਵਿੱਚ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਫਲੋਟੈੱਕ ਕੰਪਨੀ ਵਿੱਚ ਦੁਪਿਹਰ ਲਗਪਗ 1 ਵਜੇ ਧਮਾਕਾ ਹੋਇਆ ਤੇ ਪਲਾਂਟ ’ਚ ਅੱਗ ਲੱਗ ਗਈ। ਧਮਾਕੇ ਉਪਰੰਤ ਨੇੜਲੇ ਪਿੰਡਾਂ ਦੇ ਲੋਕ ਫੈਕਟਰੀ ਦੇ ਗੇਟ ਅੱਗੇ ਪਹੁੰਚ ਗਏ ਪਰ ਪ੍ਰਬੰਧਕਾਂ ਨੇ ਕਿਸੇ ਨੂੰ ਵੀ ਅੰਦਰ ਦਾਖ਼ਲ ਨਹੀ ਹੋਣ ਦਿੱਤਾ। ਕੁਝ ਦੇਰ ਉਪਰੰਤ ਨਾਲ ਲੱਗਦੇ ਪ੍ਰਾਈਮੋ ਕੈਮੀਕਲਜ਼ ਦੇ ਅਧਿਕਾਰੀਆਂ ਨੇ ਪੱਤਰਕਾਰਾਂ ਅਤੇ ਹੋਰ ਲੋਕਾਂ ਨੂੰ ਵੀ ਮੌਕਾ ਦਿਖਾਇਆ| ਨੰਗਲ ਪੁਲੀਸ ਨੇ ਮੌਕੇ ਦਾ ਜਾਇਜ਼ਾ ਲਿਆ ਹੈ।