ਗ੍ਰਾਫਿਕ ਸਾਫਟਵੇਅਰ ਦੀਆਂ ਬਾਰੀਕੀਆਂ ਬਾਰੇ ਦੱਸਿਆ

ਖੰਨਾ:

ਇਥੋਂ ਦੇ ਗੁਲਜ਼ਾਰ ਗਰੁੱਪ ਆਫ਼ ਇੰਸਟੀਚਿਊਟਸ ਵਿੱਚ ਗ੍ਰਾਫਿਕਸ ਸਾਫਟਵੇਅਰ ਦੇ ਬੁਨਿਆਦੀ ਸਿਧਾਂਤਾਂ ’ਤੇ ਪੰਜ ਦਿਨਾਂ ਹੁਨਰ ਵਿਕਾਸ ਵਰਕਸ਼ਾਪ ਕਰਵਾਈ ਗਈ। ਇਸ ਵਰਕਸ਼ਾਪ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਕ੍ਰੋਮਾ ਕਟਿੰਗ, ਅਡੋਬ ਇਲਸਟ੍ਰੇਟਰ ਅਤੇ ਫੋਟੋਸ਼ਾਪ ਡਿਜ਼ਾਇਨ ਸਾਫਟਵੇਅਰ ਦਾ ਬੁਨਿਆਦੀ ਗਿਆਨ ਪ੍ਰਦਾਨ ਕਰਨਾ ਸੀ। ਇਸ ਦੇ ਨਾਲ ਹੀ ਇਲਸਟ੍ਰੇਟਰ ਗ੍ਰਾਫ਼ਿਕਸ ਬਣਾਉਣ ਲਈ ਫੋਟੋਸ਼ਾਪ ਦੀ ਵਿਸਥਾਰ ਸਾਹਿਤ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਰਾਕੇਸ਼ ਕੁਮਾਰ ਨੇ ਕਿਹਾ ਕਿ ਫੋਟੋਸ਼ਾਪ ਉਦਯੋਗ ਵਿਚ ਤੇਜ਼ੀ ਨਾਲ ਸਭ ਤੋਂ ਵਧੀਆ ਫੋਟੋ ਸੰਪਾਦਨ ਸਾਫਟਵੇਅਰ ਬਣ ਗਿਆ ਹੈ। ਡਾਇਰੈਕਟਰ ਗੁਰਕੀਰਤ ਸਿੰਘ ਨੇ ਕਿਹਾ ਕਿ ਇਹ ਵਰਕਸ਼ਾਪ ਰਚਨਾਤਮਿਕ ਉਦਯੋਗਾਂ ਵਿਚ ਨੌਕਰੀਆਂ ਲਈ ਵੀ ਲਾਹੇਵੰਦ ਸਾਬਿਤ ਹੋਵੇਗੀ। -ਨਿੱਜੀ ਪੱਤਰ ਪ੍ਰੇਰਕ