ਰਿਵਰਲੈਂਡ ਸਕੂਲ ਦਾ ਖੇਡਾਂ ʼਚ ਸ਼ਾਨਦਾਰ ਪ੍ਰਦਰਸ਼ਨ

ਚਮਕੌਰ ਸਾਹਿਬ

ਰਿਵਰਲੈਂਡ ਇੰਟਰਨੈਸ਼ਨਲ ਸਕੂਲ ਕਤਲੌਰ ਦੀ ਟੀਮ ਨੇ ਪਿਛਲੇ ਹਫ਼ਤੇ ਰੂਪਨਗਰ ’ਚ ਤਾਇਕਵਾਡੋਂ ਅਤੇ ਕਰਾਟੇ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ’ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਸਕੂਲ ਦੇ ਡਾਇਰੈਕਟਰ ਕੁਲਦੀਪ ਸਿੰਘ ਕੰਗ ਨੇ ਦੱਸਿਆ ਕਿ ਅੰਡਰ-17 ਵਿੱਚ ਜਸਮੀਨ ਕੌਰ, ਅਕਸ਼ਰਾ, ਹਰਮਨਜੀਤ ਸਿੰਘ ਅਤੇ ਅੰਡਰ-14 ਵਿਚ ਕਰਨਵੀਰ ਸਿੰਘ, ਜਸਮੀਤ ਸਿੰਘ ਨੇ ਸੋਨੇ ਦਾ ਤਗਮਾ ਪ੍ਰਾਪਤ ਕੀਤਾ। ਅੰਡਰ-19 ਵਿੱਚ ਗੁਰਨੂਰ ਸਿੰਘ, ਅੰਡਰ-17 ’ਚ ਅਰਮਾਨਦੀਪ ਸਿੰਘ, ਅੰਡਰ-14 ਵਿਚ ਅਸ਼ਮੀਤ ਕੌਰ ਤੇ ਹਰਪੁਨੀਤ ਕੌਰ ਨੇ ਚਾਂਦੀ ਦੇ ਤਗਮੇ ਪ੍ਰਾਪਤ ਕੀਤੇ ਜਦੋਂ ਕਿ ਅੰਡਰ 17 ਵਿਚ ਤਰਨਪ੍ਰੀਤ ਕੌਰ, ਖੁਸ਼ਲੀਨ ਕੌਰ, ਨਵਨੀਤ ਕੌਰ, ਮਾਂਹੀਪ੍ਰੀਤ ਕੌਰ, ਏਕਨੂਰ ਸਿੰਘ, ਅਕਾਸ਼ਜੋਤ ਸਿੰਘ, ਹਸ਼ਮੀਤ ਕੌਰ ਤੇ ਯੁਵਰਾਜ ਸਿੰਘ ਨੇ ਕਾਂਸੇ ਦੇ ਤਗਮੇ ਪ੍ਰਾਪਤ ਕੀਤੇ। ਜੇਤੂ ਵਿਦਿਆਰਥੀਆਂ ਦਾ ਸਕੂਲ ਪੁੱਜਣ ’ਤੇ ਸਨਮਾਨ ਕੀਤਾ ਗਿਆ। -ਨਿੱਜੀ ਪੱਤਰ ਪ੍ਰੇਰਕ