ਵਾਲਮੀਕਿ ਵੈੱਲਫੇਅਰ ਸੁਸਾਇਟੀ ਵੱਲੋਂ ਸਮਾਗਮ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 17 ਅਕਤੂਬਰ
ਵਾਲਮੀਕਿ ਵੈੱਲਫੇਅਰ ਸੁਸਾਇਟੀ ਵੱਲੋਂ ਭਗਵਾਨ ਵਾਲਮੀਕਿ ਪ੍ਰਗਟ ਦਿਵਸ ਸਬੰਧੀ ਸਤਿਸੰਗ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਇਲਾਕੇ ਦੀ ਸੰਗਤ ਅਤੇ ਸਵਰਗੀ ਗੁਰਿੰਦਰਪਾਲ ਸਿੰਘ ਪੱਪੂ ਟੀਮ ਨੇ ਸ਼ਮੂਲੀਅਤ ਕੀਤੀ। ਇਸ ਮੌਕੇ ਐਡਵੋਕੇਟ ਗਗਨਪ੍ਰੀਤ ਸਿੰਘ ਨੇ ਕਿਹਾ ਕਿ ਭਗਵਾਨ ਵਾਲਮੀਕਿ ਸਨਾਤਨ ਧਰਮ ਦੇ ਸਰਵੋਤਮ ਗੁਰੂਆਂ ਵਿੱਚੋਂ ਇੱਕ ਹਨ ਜਿਨ੍ਹਾਂ ਨੇ ਮਹਾਂਕਾਵਿ ਰਾਮਾਇਣ ਦੀ ਰਚਨਾ ਕੀਤੀ ਸੀ। ਇਸ ਮੌਕੇ ਰਿਟਾਇਰਡ ਡੀਐੱਸਪੀ ਜਗਦੀਪ ਸਿੰਘ ਭੱਠਲ, ਰਾਜੇਸ਼ ਅਗਰਵਾਲ, ਅਮਨਦੀਪ ਸਿੰਘ ਭੱਠਲ, ਮਨਮੋਹਨ ਸਿੰਘ ਮੋਹਣੀ, ਪਰਮਜੀਤ ਸਿੰਘ ਲਵਲੀ, ਰਾਜੇਸ਼ ਗੁਪਤਾ, ਜਸਬੀਰ ਸਿੰਘ ਸਾਹਨੀ, ਅਮਰਜੀਤ ਸਿੰਘ ਬਿੱਟੂ, ਨਰਿੰਦਰਪਾਲ ਸਿੰਘ ਸੋਨੂੰ, ਰਜਿੰਦਰ ਸਿੰਘ ਮਿੰਨੀ ਅਤੇ ਗੋਲਡੀ ਸਿੰਘ ਵੱਲੋਂ ਭਗਵਾਨ ਵਾਲਮੀਕਿ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਗਏ। ਇਸ ਮੌਕੇ ਮੁੱਖ ਸੰਚਾਲਕ ਜਸਪ੍ਰੀਤ ਸਿੰਘ ਜੱਸੀ (ਏਕੇ), ਸਨਦੀਪ ਬਿਰਲਾ, ਜੱਗਾ ਹੰਬੜਾ (ਪ੍ਰਧਾਨ), ਰਾਜੂ ਹੰਬੜਾ (ਵਾਈਸ ਚੇਅਰਮੈਨ) ਅਤੇ ਮਨਜੀਤ ਸਿੰਘ ਵੱਲੋਂ ਪਤਵੰਤਿਆਂ ਦਾ ਸਵਾਗਤ ਕੀਤਾ ਗਿਆ। ਸਮਾਗਮ ਦੌਰਾਨ ਟੀ-ਸੀਰੀਜ਼ ਗਾਇਕਾ ਅਜੈ ਨਿਸ਼ਾਨ ਐਂਡ ਪਾਰਟੀ ਨੇ ਭਗਵਾਨ ਵਾਲਮੀਕਿ ਦੀ ਮਹਿਮਾ ਦਾ ਗੁਣਗਾਨ ਕੀਤਾ। ਇਸ ਮੌਕੇ ਜਸਪ੍ਰੀਤ ਸਿੰਘ ਅਯਾਲੀ, ਕੇਵਲ ਕ੍ਰਿਸ਼ਨ ਪੱਪੂ, ਅਮਰਜੀਤ ਸਿੰਘ ਭੰਗੂ ਮਨੀਸ਼ ਪ੍ਰਭਾਕਰ, ਪਲਵਿੰਦਰ ਸਿੰਘ ਬੈਂਸ ਭਰਪੂਰ ਸਿੰਘ ਦਿਉਲ ਅਤੇ ਵੀਰ ਪ੍ਰਦੀਪ ਵੈਦ ਵੀ ਹਾਜ਼ਰ ਸਨ।