ਸੂਬਾਈ ਮੁਕਾਬਲੇ ਲਈ ਚੋਣ ’ਤੇ ਯੂਨਿਸ ਦਾ ਸਨਮਾਨ

ਦੇਵੀਗੜ੍ਹ:

ਸਕੂਲੀ ਖੇਡਾਂ ਵਿੱਚ ਟੈਗੋਰ ਇੰਟਰਨੈਸ਼ਨਲ ਸਕੂਲ ਦੇ ਕ੍ਰਿਕਟ ਖਿਡਾਰੀ ਯੂਨਿਸ ਖ਼ਾਨ ਨੇ ਦੀ ਸੂਬਾ ਪੱਧਰੀ ਟੂਰਨਾਮੈਂਟ ਲਈ ਚੋਣ ’ਤੇ ਕੋਚ ਪਰਦੀਪ ਵਰਮਾ ਅਤੇ ਉਸਦੇ ਮਾਪੇ ਖੁਸ਼ੀ ਦੇ ਰੌਂਅ ’ਚ ਹਨ। ਦੂਜੇ ਪਾਸੇ ਜ਼ਿਲ੍ਹਾ ਪੱਧਰ ’ਤੇ ਹੋਏ ਮੁਕਾਬਲਿਆਂ ਵਿੱਚ ਵੀ ਦਸਵੀਂ ਜਮਾਤ ਦੇ ਖਿਡਾਰੀ ਜਸ਼ਨਦੀਪ ਸਿੰਘ, ਮਨਿੰਦਰ ਸਿੰਘ, ਵਾਰਿਸਪ੍ਰੀਤ ਸਿੰਘ, ਜਸਕਰਨ ਸਿੰਘ, ਦਾਨਵੀਰ ਸਿੰਘ ਗਿਆਰਵੀਂ ਜਮਾਤ ਤੇ ਯੂਨਿਸ ਖ਼ਾਨ ਬਾਰਵੀਂ ਜਮਾਤ ਨੇ ਜ਼ਿਲ੍ਹਾ ਪੱਧਰੀ ਖੇਡਾਂ ਵਿੱਚ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਸਕੂਲ ਡਾਇਰੈਕਟਰ ਗੌਰਵ ਗੁਲਾਟੀ, ਪ੍ਰੈਜ਼ੀਡੈਂਟ ਸਲੋਨੀ ਗੁਲਾਟੀ ਤੇ ਪ੍ਰਿੰਸੀਪਲ ਰੇਖਾ ਸ਼ਰਮਾ ਨੇ ਖਿਡਾਰੀਆਂ ਨੂੰ ਵਧਾਈ ਦਿੱਤੀ। -ਪੱਤਰ ਪ੍ਰੇਰਕ