ਹਵਾਈ ਫੌਜ ਦੇ ਹੈਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ

ਚੇਨੱਈ:

ਸਿਖਲਾਈ ਦੌਰਾਨ ਤਕਨੀਕੀ ਨੁਕਸ ਪੈਣ ਕਾਰਨ ਹਵਾਈ ਫੌਜ ਦੇ ਹੈਲੀਕਾਪਟਰ ਨੂੰ ਨਜ਼ਦੀਕੀ ਪੋਰਪੰਡਾਲ ਨੇੜੇ ਝੋਨੇ ਦੇ ਖੇਤਾਂ ਵਿੱਚ ਹੰਗਾਮੀ ਹਾਲਤ ਵਿੱਚ ਉਤਾਰਿਆ ਗਿਆ। ਅਧਿਕਾਰੀਆਂ ਨੇ ਅੱਜ ਦੱਸਿਆ ਕਿ ਹੈਲੀਕਾਪਟਰ ਨੂੰ ਦੋ ਜਣੇ ਉਡਾ ਰਹੇ ਸਨ, ਜਦੋਂ ਹੈਲੀਕਾਪਟਰ ਸਲਵੱਕਮ ਥਾਣੇ ਅਧੀਨ ਪੈਂਦੇ ਪੋਰਪੰਡਾਲ ਖੇਤਰ ਵਿੱਚ ਪੁੱਜਿਆ ਤਾਂ ਇਸ ਵਿੱਚ ਅਚਾਨਕ ਨੁਕਸ ਪੈ ਗਿਆ, ਜਿਸ ਕਾਰਨ ਪਾਇਲਟ ਨੇ ਝੋਨੇ ਦੇ ਖੇਤਾਂ ਵਿੱਚ ਐਮਰਜੈਂਸੀ ਲੈਂਡਿੰਗ ਕੀਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਤਕਨੀਕੀ ਟੀਮ ਨੂੰ ਕਿਸੇ ਹੋਰ ਹੈਲੀਕਪਾਟਰ ਰਾਹੀਂ ਸਹਾਇਤਾ ਲਈ ਭੇਜਿਆ ਗਿਆ। ਨੁਕਸ ਠੀਕ ਹੋਣ ਮਗਰੋਂ ਦੋਵੇਂ ਹੈਲੀਕਾਪਟਰ ਬੇਸ ’ਤੇ ਪਰਤ ਗਏ। -ਪੀਟੀਆਈ