ਪੱਤਰਕਾਰ ਮਨਧੀਰ ਦਿਓਲ ਨੂੰ ‘ਯੋਗ ਪੁੱਤਰ ਪੁਰਸਕਾਰ’

ਖੇਤਰੀ ਪ੍ਰਤੀਨਿਧ
ਬਰਨਾਲਾ, 31 ਜਨਵਰੀ
ਪੰਜਾਬੀ ਲੇਖਕ ਅਤੇ ਭਾਰਤੀ ਸਾਹਿਤ ਅਕੈਡਮੀ ਦਿੱਲੀ ਦੀ ਗਵਰਨਿੰਗ ਕੌਂਸਲ ਦੇ ਮੈਂਬਰ ਬੂਟਾ ਸਿੰਘ ਚੌਹਾਨ ਨੇ ਦੱਸਿਆ ਕਿ ਇਸ ਵਾਰ ‘ਯੋਗ ਪੁੱਤਰ ਐਵਾਰਡ’ ਪੱਤਰਕਾਰ ਮਨਧੀਰ ਸਿੰਘ ਦਿਓਲ ਨੂੰ ਦਿੱਤਾ ਜਾ ਰਿਹਾ ਹੈ। ਇਹ ਐਵਾਰਡ ਉਸ ਯੋਗ ਪੁੱਤਰ ਨੂੰ ਦਿੱਤਾ ਜਾਂਦਾ ਹੈ ਜਿਸ ਨੇ ਆਪਣੇ ਸਾਹਿਤਕਾਰ ਪਿਤਾ ਦੀ ਸਾਹਿਤਕ ਵਿਰਾਸਤ ਨੂੰ ਸੰਭਾਲਿਆ ਹੋਵੇ। ਉਨ੍ਹਾਂ ਦੱਸਿਆ ਕਿ ਇਹ ਐਵਾਰਡ ਹਰੇਕ ਵਾਰ ਲੋਹੜੀ ਦੇ ਨੇੜੇ-ਤੇੜੇ ਆਪਣੀ ਪੋਤੀ ਅਰਪਿਤ ਕੌਰ ਚੌਹਾਨ ਦੀ ਲੋਹੜੀ ਮਨਾਉਣ ਵਜੋਂ ਦਿੱਤਾ ਜਾਂਦਾ ਹੈ। ਇਸ ਵਾਰ ਦਾ ਪੁਰਸਕਾਰ ਕਵੀ ਤੇ ਕਹਾਣੀਕਾਰ ਬਖਤਾਵਰ ਸਿੰਘ ਦਿਓਲ ਦੇ ਪੁੱਤਰ ਮਨਧੀਰ ਸਿੰਘ ਦਿਓਲ ਨੂੰ 3 ਫਰਵਰੀ ਨੂੰ ਦਿੱਲੀ ਵਿੱਚ ਦਿੱਤਾ ਜਾ ਰਿਹਾ ਹੈ।