ਭੁਨਰਹੇੜੀ ਇਲਾਕੇ ਵਿੱਚ ਦੋ ਦਿਨ ਬਿਜਲੀ ਬੰਦ ਰਹੇਗੀ

ਪੱਤਰ ਪ੍ਰੇਰਕ
ਦੇਵੀਗੜ੍ਹ, 21 ਨਵੰਬਰ
ਸਹਾਇਕ ਇੰਜੀਨੀਅਰ ਵੰਡ ਪਾਵਰਕੌਮ ਉਪ ਮੰਡਲ ਦੇਵੀਗੜ੍ਹ ਨੇ ਦੱਸਿਆ ਕਿ 66 ਕੇਵੀ ਗਰਿੱਡ ਸਬ ਸਟੇਸ਼ਨ ਭੁਨਰਹੇੜੀ ਤੇ 66 ਕੇਵੀ ਲਾਈਨ ਦਾ ਨਵਾਂ ਕੰਡਕਟਰ ਬਦਲਣ ਲਈ ਕੰਮ ਚੱਲ ਰਿਹਾ ਹੈ ਜਿਸ ਕਾਰਨ 22 ਤੋਂ 23 ਨਵੰਬਰ 2024 ਅਤੇ 26 ਤੋਂ 27 ਨਵੰਬਰ 2024 ਨੂੰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬਿਜਲੀ ਬੰਦ ਰਹੇਗੀ। ਇਸ ਲਈ ਭੁਨਰਹੇੜੀ ਗਰਿੱਡ ਸਬ ਸਟੇਸ਼ਨ ਤੋਂ ਚਲਦੇ ਸਾਰੇ ਫੀਡਰ ਕੈਟਾਗਿਰੀ-1 ਯੂ.ਪੀ.ਐੱਸ.ਅਲੀਪੁਰ, ਯੂ.ਪੀ.ਐੱਸ. ਪਰੌੜ ਅਤੇ ਸਾਰੇ ਖੇਤਾਂ ਵਾਲੇ ਫੀਡਰਾਂ ਦੀ ਬਿਜਲੀ ਬੰਦ ਰਹੇਗੀ। ਗਰਿੱਡ ਦੇ ਸਿਸਟਮ ਵਿੱਚ ਸੁਧਾਰ ਕਰਨ ਲਈ ਆਮ ਜਨਤਾ ਦੇ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ ਜਾਂਦਾ ਹੈ।