ਸ਼ਰਾਬ ਦੇ ਅੱਠ ਠੇਕੇ ਦੋ ਦਿਨਾਂ ਲਈ ਬੰਦ

ਪੱਤਰ ਪ੍ਰੇਰਕ
ਫਰੀਦਾਬਾਦ, 3 ਅਗਸਤ
ਸ਼ਰਾਬ ਦੇ ਅੱਠ ਠੇਕਿਆਂ ਨੂੰ ਅਗਲੇ ਦੋ ਦਿਨਾਂ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਡੀਸੀ ਵਿਕਰਮ ਸਿੰਘ ਨੇ ਦੱਸਿਆ ਕਿ ਇਹ ਫੈਸਲਾ ਨੂਹ ਕੇਸ ਦੇ ਮੱਦੇਨਜ਼ਰ ਲਿਆ ਗਿਆ ਹੈ। ਇਸ ਘਟਨਾ ਤੋਂ ਬਾਅਦ ਸਮਾਜ ਦੇ ਵੱਖ-ਵੱਖ ਭਾਈਚਾਰਿਆਂ ਦੇ ਲੋਕਾਂ/ਸੰਸਥਾਵਾਂ ਵਿੱਚ ਰੋਸ ਪੈਦਾ ਹੋਣ ਕਾਰਨ ਸ਼ਰਾਬ ਦੇ ਠੇਕਿਆਂ ਨੂੰ ਬੰਦ ਕਰਨ ਦੇ ਹੁਕਮ ਦਿੱਤੇ ਹਨ। ਮੌਜੂਦਾ ਵਿਵਸਥਾ ਅਤੇ ਸਮਾਜਿਕ ਸਥਿਤੀਆਂ ਦੇ ਮੱਦੇਨਜ਼ਰ 02.08.2023 ਨੂੰ ਅੱਧੀ ਰਾਤ ਤੋਂ ਬੰਦ ਕੀਤੇ ਗਏ ਸ਼ਰਾਬ ਦੇ ਠੇਕੇ ਅਗਲੇ 2 ਦਿਨਾਂ ਲਈ ਬੰਦ ਕਰ ਦਿੱਤੇ ਗਏ ਹਨ। ਇਨ੍ਹਾਂ ਮੇਵਲਾ ਮਹਾਰਾਜਪੁਰ ਫਲਾਈਓਵਰ ਸੈਕਟਰ-31, ਰਾਜੀਵ ਚੌਕ ਸੈਕਟਰ-31, ਪੱਲਾ ਅਤੇ ਸ਼ਰਾਬ ਦਾ ਠੇਕਾ, ਸੈਕਟਰ-37 ਬਾਈਪਾਸ ਰੋਡ ਸਰਾਏ, ਕਿਸਾਨ ਮਜ਼ਦੂਰ ਕਲੋਨੀ ਨੇੜੇ ਬਾਈਪਾਸ ਰੋਡ ਪੁਰਾਣਾ ਫਰੀਦਾਬਾਦ, ਜੈਤਪੁਰ ਰੋਡ ਇਸਮਾਈਲਪੁਰ ਪੱਲਾ, ਪਿੰਡ ਖੋਰੀ ਜਮਾਲਪੁਰ, ਧੌਜ, ਸ਼ਰਾਬ ਦਾ ਠੇਕਾ ਸੈਕਟਰ-31 ਸ਼ਾਮਲ ਹਨ।