ਜੂਆ ਖੇਡਦੇ ਅੱਠ ਕਾਬੂ; ਢਾਈ ਲੱਖ ਤੋਂ ਵੱਧ ਦੀ ਨਕਦੀ ਬਰਾਮਦ

ਸਿਰਸਾ (ਨਿੱਜੀ ਪੱਤਰ ਪ੍ਰੇਰਕ): ਸਥਾਨਕ ਪੁਲੀਸ ਦੀ ਇਕ ਟੀਮ ਨੇ ਅੱਠ ਜਣਿਆਂ ਨੂੰ ਕਥਿਤ ਤੌਰ ’ਤੇ ਜੂਆ ਖੇਡਦਿਆਂ ਕਾਬੂ ਕੀਤਾ ਹੈ। ਫੜੇ ਗਏ ਵਿਅਕਤੀਆਂ ਤੋਂ 2 ਲੱਖ 55 ਹਾਜ਼ਾਰ ਦੀ ਰਕਮ ਬਰਾਮਦ ਕੀਤੀ ਗਈ ਹੈ। ਸਿਟੀ ਥਾਣਾ ਇੰਚਾਰਜ ਇਸ਼ਵਰ ਸਿੰਘ ਨੇ ਦੱਸਿਆ ਹੈ ਕਿ ਫੜੇ ਗਏ ਵਿਅਕਤੀਆਂ ਦੀ ਪਛਾਣ ਧੋਲੂ ਰਾਮ ਵਾਸੀ ਕਲੋਠਾ, ਰਤੀਆ, ਰਾਜੇਸ਼ ਸਿੰਘ, ਓਮ ਪ੍ਰਕਾਸ਼ ਵਾਸੀਆਨ ਅਯਾਲਕੀ, ਮਾਂਗੇ ਰਾਮ ਵਾਸੀ ਰਾਮ ਨਗਰ ਵਾਰਡ 14 ਜ਼ਿਲ੍ਹਾ ਫਤਿਹਾਬਾਦ, ਸੁਰਿੰਦਰ ਪਾਲ ਵਾਸੀ ਵਾਰਡ ਛੇ ਰਾਣੀਆਂ, ਬਿੰਦੂ ਉਰਫ ਸਤੀਸ਼ ਕੁਮਾਰ ਵਾਸੀ ਮੁਕਤਸਰ, ਪੰਜਾਬ, ਮੰਦੀਪ ਕੁਮਾਰ ਵਾਸੀ ਬਣੀ ਅਤੇ ਮੋਹਿਤ ਵਾਸੀ ਖੈਰਪੁਰ ਜ਼ਿਲ੍ਹਾ ਸਿਰਸਾ ਵਜੋਂ ਕੀਤੀ ਗਈ ਹੈ।