Earthquakes in Afghanistan and Tibet: ਅਫ਼ਗ਼ਾਨਿਸਤਾਨ ਤੇ ਤਿੱਬਤ ਵਿਚ ਭੂਚਾਲ ਦੇ ਝਟਕੇ

ਕਾਬੁਲ, 31 ਮਈ
ਭਾਰਤੀ ਕੌਮੀ ਭੂਚਾਲ ਵਿਗਿਆਨ ਕੇਂਦਰ (National Center for Seismology - NCS) ਦੇ ਇੱਕ ਬਿਆਨ ਮੁਤਾਬਕ ਸ਼ਨਿੱਚਰਵਾਰ ਨੂੰ ਅਫਗਾਨਿਸਤਾਨ ਵਿੱਚ 4.3 ਸ਼ਿੱਦਤ ਵਾਲਾ ਭੂਚਾਲ ਆਇਆ। NCS ਦੇ ਅਨੁਸਾਰ ਭੂਚਾਲ ਦਾ ਕੇਂਦਰ 110 ਕਿਲੋਮੀਟਰ ਦੀ ਡੂੰਘਾਈ 'ਤੇ ਮੁਲਕ ਦੀ ਪਾਕਿਸਤਾਨ ਦੇ ਸੂਬੇ ਖ਼ੈਬਰ ਪਖ਼ਤੂਨਖਵਾ ਦੀ ਸਰਹੱਦ ਦੇ ਕਰੀਬ ਸੀ।
ਐਨਐਸਸੀ ਨੇ ਇਹ ਜਾਣਕਾਰੀ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ X 'ਤੇ ਇੱਕ ਪੋਸਟ ਵਿੱਚ ਦਿੱਤੀ ਹੈ। ਜਾਣਕਾਰੀ ਮੁਤਾਬਕ ਸ਼ੁਰੂਆਤੀ ਤੌਰ ’ਤੇ ਇਸ ਕਾਰਨ ਕਿਸੇ ਜਾਨੀ-ਮਾਲੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਹੈ।

EQ of M: 4.3, On: 31/05/2025 08:15:33 IST, Lat: 35.69 N, Long: 71.21 E, Depth: 110 Km, Location: Afghanistan.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/kfBsoCvOEi

— National Center for Seismology (@NCS_Earthquake) May 31, 2025

ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਵੀ 4.1 ਤੀਬਰਤਾ ਦੇ ਭੂਚਾਲ ਨੇ ਅਫਗਾਨਿਸਤਾਨ ਨੂੰ ਕੰਬਾਇਆ ਸੀ।
ਗ਼ੌਰਤਲਬ ਹੈ ਕਿ ਅਫਗਾਨਿਸਤਾਨ ਦਾ ਸ਼ਕਤੀਸ਼ਾਲੀ ਭੂਚਾਲਾਂ ਦਾ ਇਤਿਹਾਸ ਰਿਹਾ ਹੈ। ਰੈੱਡ ਕਰਾਸ ਦੇ ਅਨੁਸਾਰ ਹਿੰਦੂਕੁਸ਼ ਪਹਾੜੀ ਲੜੀ ਇੱਕ ਭੂ-ਵਿਗਿਆਨਕ ਤੌਰ 'ਤੇ ਸਰਗਰਮ ਖੇਤਰ ਹੈ ਜਿੱਥੇ ਹਰ ਸਾਲ ਭੂਚਾਲ ਆਉਂਦੇ ਹਨ।
ਅਫਗਾਨਿਸਤਾਨ ਭਾਰਤੀ ਅਤੇ ਯੂਰੇਸ਼ੀਅਨ ਟੈਕਟੋਨਿਕ ਪਲੇਟਾਂ ਦੇ ਵਿਚਕਾਰ ਕਈ ਫਾਲਟ ਲਾਈਨਾਂ 'ਤੇ ਸਥਿਤ ਹੈ, ਜਿਸਦੀ ਇੱਕ ਫਾਲਟ ਲਾਈਨ ਵੀ ਸਿੱਧੇ ਹੇਰਾਤ ਵਿੱਚੋਂ ਲੰਘਦੀ ਹੈ। ਭਾਰਤੀ ਅਤੇ ਯੂਰੇਸ਼ੀਅਨ ਟੈਕਟੋਨਿਕ ਪਲੇਟਾਂ ਦੇ ਵਿਚਕਾਰ ਟਕਰਾਅ ਜ਼ੋਨ ਦੇ ਨਾਲ ਕਈ ਸਰਗਰਮ ਫਾਲਟ ਲਾਈਨਾਂ 'ਤੇ ਇਸਦੀ ਸਥਿਤੀ ਇਸਨੂੰ ਭੂਚਾਲ ਦਾ ਸਰਗਰਮ ਖੇਤਰ ਬਣਾਉਂਦੀ ਹੈ। ਇਹ ਪਲੇਟਾਂ ਮਿਲਦੀਆਂ ਅਤੇ ਟਕਰਾਉਂਦੀਆਂ ਹਨ, ਜਿਸ ਨਾਲ ਅਕਸਰ ਭੂਚਾਲ ਦੀ ਗਤੀਵਿਧੀ ਹੁੰਦੀ ਹੈ।

ਤਿੱਬਤ: ਇਸੇ ਤਰ੍ਹਾਂ ਕੌਮੀ ਭੂਚਾਲ ਵਿਗਿਆਨ ਕੇਂਦਰ (NCS) ਦੀ ਜਾਣਕਾਰੀ ਮੁਤਾਬਕ ਸ਼ਨਿੱਚਰਵਾਰ ਸਵੇਰੇ ਤਿੱਬਤ ਵਿੱਚ ਵੀ 3.5 ਤੀਬਰਤਾ ਵਾਲੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। NCS ਦੇ ਅਨੁਸਾਰ, ਭੂਚਾਲ 10 ਕਿਲੋਮੀਟਰ ਦੀ ਡੂੰਘਾਈ 'ਤੇ ਆਇਆ ਅਤੇ ਇਸ ਦਾ ਕੇਂਦਰ ਮੁਲਕ ਦੀ ਨੇਪਾਲ ਨਾਲ ਲੱਗਦੀ ਸਰਹੱਦ ਦੇ ਕਰੀਬ ਸੀ।
ਗ਼ੌਰਤਲਬ ਹੈ ਕਿ ਤਿੱਬਤ ਵੀ ਤਿੱਬਤੀ ਪਠਾਰ ਟੈਕਟੋਨਿਕ ਪਲੇਟਾਂ ਦੇ ਟਕਰਾਅ ਕਾਰਨ ਆਪਣੀ ਭੂਚਾਲ ਦੀ ਗਤੀਵਿਧੀ ਲਈ ਜਾਣਿਆ ਜਾਂਦਾ ਹੈ।

EQ of M: 3.5, On: 31/05/2025 03:11:19 IST, Lat: 29.03 N, Long: 87.06 E, Depth: 10 Km, Location: Tibet.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/MABBichsMj

— National Center for Seismology (@NCS_Earthquake) May 30, 2025

ਤਿੱਬਤ ਅਤੇ ਨੇਪਾਲ ਇੱਕ ਵੱਡੀ ਭੂ-ਵਿਗਿਆਨਕ ਫਾਲਟ ਲਾਈਨ 'ਤੇ ਸਥਿਤ ਹਨ ਜਿੱਥੇ ਭਾਰਤੀ ਟੈਕਟੋਨਿਕ ਪਲੇਟ ਯੂਰੇਸ਼ੀਅਨ ਪਲੇਟ ਵਿੱਚ ਉੱਪਰ ਵੱਲ ਧੱਕਦੀ ਹੈ, ਅਤੇ ਨਤੀਜੇ ਵਜੋਂ ਭੂਚਾਲ ਇੱਕ ਨਿਯਮਿਤ ਘਟਨਾ ਹੈ। ਅਲ ਜਜ਼ੀਰਾ ਨੇ ਰਿਪੋਰਟ ਦਿੱਤੀ ਕਿ ਇਹ ਖੇਤਰ ਭੂਚਾਲ ਪੱਖੋਂ ਸਰਗਰਮ ਹੈ, ਜਿਸ ਕਾਰਨ ਟੈਕਟੋਨਿਕ ਉਚਾਈਆਂ ਇੰਨੀਆਂ ਮਜ਼ਬੂਤ ​​ਹੋ ਸਕਦੀਆਂ ਹਨ ਕਿ ਹਿਮਾਲਿਆ ਦੀਆਂ ਚੋਟੀਆਂ ਦੀਆਂ ਉਚਾਈਆਂ ਨੂੰ ਬਦਲਿਆ ਜਾ ਸਕਦਾ ਹੈ। -ਏਐਨਆਈ