ਥਾਣੇ ਵਿੱਚ ਅੱਗ ਲੱਗਣ ਕਾਰਨ ਜ਼ਬਤ ਵਾਹਨ ਤੇ ਰਿਕਾਰਡ ਸੜਿਆ

ਪੱਤਰ ਪ੍ਰੇਰਕ
ਕਰਤਾਰਪੁਰ, 27 ਮਈ
ਇੱਥੇ ਥਾਣਾ ਮਕਸੂਦਾਂ ਵਿੱਚ ਅੱਗ ਲੱਗਣ ਕਾਰਨ ਰਿਕਾਰਡ ਰੂਮ ਵਿੱਚ ਪਏ ਸਾਮਾਨ ਸਮੇਤ ਜ਼ਬਤ ਕੀਤੇ ਵਾਹਨ ਸੜ ਗਏ। ਥਾਣੇ ਵਿੱਚ ਅੱਗ ਲੱਗਣ ਦਾ ਕਾਰਨ ਭਾਵੇਂ ਸ਼ਾਰਟ ਸਰਕਟ ਮੰਨਿਆ ਜਾ ਰਿਹਾ ਹੈ। ਜਾਣਕਾਰੀ ਅਨੁਸਾਰ ਥਾਣਾ ਮਕਸੂਦਾਂ ਦੇ ਪਿਛਲੇ ਹਿੱਸੇ ਵਿੱਚ ਅਚਾਨਕ ਅੱਗ ਲੱਗਣ ਸਬੰਧੀ ਪੁਲੀਸ ਨੂੰ ਕਿਸੇ ਵਿਅਕਤੀ ਨੇ ਸੂਚਨਾ ਦਿੱਤੀ ਜਿਸ ਮਗਰੋਂ ਫਾਇਰ ਬ੍ਰਿਗੇਡ ਦੀਆਂ ਦੋ ਗੱਡੀਆਂ ਮੌਕੇ ’ਤੇ ਪਹੁੰਚ ਕੇ ਅੱਗ ਬੁਝਾਉਣ ਵਿੱਚ ਜੁੱਟ ਗਈਆਂ ਜਦਕਿ ਜਾਨ ਦੀ ਪਰਵਾਹ ਨਾ ਕਰਦਿਆਂ ਮੁਲਾਜ਼ਮ ਰਿਕਾਰਡ ਰੂਮ ਵਿੱਚ ਪਏ ਸਾਮਾਨ ਅਤੇ ਮਾਲਖਾਨੇ ਵਿੱਚ ਪਏ ਹਥਿਆਰ ਅਤੇ ਹੋਰ ਸਾਮਾਨ ਬਾਹਰ ਕੱਢਣ ਵਿੱਚ ਜੁਟ ਗਏ। ਅੱਗ ਲੱਗਣ ਮੌਕੇ ਥਾਣੇ ਵਿੱਚ ਪੁਲੀਸ ਵੱਲੋਂ ਫੜੀ ਗਈ ਸ਼ਰਾਬ ਅਤੇ ਸਿਲੰਡਰ ਪਏ ਸਨ। ਪੁਲੀਸ ਮੁਲਾਜ਼ਮਾਂ ਦੀ ਮੁਸਤੈਦੀ ਕਾਰਨ ਵੱਡਾ ਹਾਦਸਾ ਹੋਣੋਂ ਬਚਾਅ ਹੋ ਗਿਆ।