ਨਸ਼ਾ ਤਸਕਰ ਨੇ ਖ਼ੁਦ ਨੂੰ ਮਾਰੀ ਗੋਲੀ; ਪੁਲੀਸ ਅੱਗੇ ਕੀਤਾ ਆਤਮ ਸਮਰਪਣ

ਮੰਡਸੌਰ, 12 ਅਕਤੂਬਰ
ਮੱਧ ਪ੍ਰਦੇਸ਼ ਦੇ ਭੋਪਾਲ ਵਿੱਚ ਮੈਗਾ ਮੈਫੇਡਰੋਨ ਡਰੱਗ ਜ਼ਬਤ ਕਰਨ ਦੇ ਮੁਲਜ਼ਮ ਨੇ ਕਥਿਤ ਤੌਰ ’ਤੇ ‘ਪੁਲੀਸ ਦੀ ਸਖ਼ਤ ਕਾਰਵਾਈ’ ਤੋਂ ਬਚਣ ਲਈ ਆਪਣੇ ਪੱਟ ’ਤੇ ਗੋਲੀ ਮਾਰ ਲਈ ਅਤੇ ਫਿਰ ਮੰਡਸੌਰ ਵਿੱਚ ਪੁਲੀਸ ਅੱਗੇ ਆਤਮ ਸਮਰਪਣ ਕਰ ਦਿੱਤਾ। ਗੁਜਰਾਤ ਦੇ ਅਤਿਵਾਦ ਵਿਰੋਧੀ ਦਸਤੇ ਅਤੇ ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਪੰਜ ਅਕਤੂਬਰ ਨੂੰ ਭੋਪਾਲ ਦੇ ਬਗਰੋਡਾ ਵਿੱਚ ਫੈਕਟਰੀ ਤੋਂ 907.09 ਕਿਲੋ ਮੈਫੇਡਰੋਨ ਅਤੇ 1814 ਕਰੋੜ ਰੁਪਏ ਦਾ ਨਸ਼ੀਲੇ ਪਦਾਰਥ ਬਣਾਉਣ ਵਾਲਾ ਕੱਚਾ ਮਾਲ ਜ਼ਬਤ ਕੀਤਾ ਸੀ। ਮੰਡਸੌਰ ਦੇ ਐੱਸਪੀ ਅਭਿਸ਼ੇਕ ਆਨੰਦ ਨੇ ਦੱਸਿਆ ਕਿ ਮੁਲਜ਼ਮ ਪ੍ਰੇਮਸੁਖ ਪਾਟੀਦਾਰ ਉਰਫ ‘ਫਰਜ਼ੀ ਡਾਕਟਰ’ ਨਸ਼ੇ ਦੀ ਤਸਕਰੀ ਮਗਰੋਂ ਭਗੌੜਾ ਸੀ। ਉਸ ਨੇ ਆਪਣੇ ਖੱਬੇ ਪੱਟ ’ਚ ਦੇਸੀ ਪਿਸਤੌਲ ਨਾਲ ਲੱਗੀ ਗੋਲੀ ਨਾਲ ਅਫ਼ਜ਼ਲਪੁਰ ਥਾਣੇ ’ਚ ਆਤਮ ਸਮਰਪਣ ਕਰ ਦਿੱਤਾ। -ਪੀਟੀਆਈ