ਡ੍ਰੈਗਨ ਬੋਟ ਮੁਕਾਬਲੇ: ਰੋਹਿਤ ਸ਼ਰਮਾ ਦੀ ਭਾਰਤੀ ਟੀਮ ਲਈ ਚੋਣ

ਬਠਿੰਡਾ: ਜ਼ਿਲ੍ਹੇ ਦੇ ਪਿੰਡ ਸੇਮਾ ਦਾ ਨੌਜਵਾਨ ਰੋਹਿਤ ਸ਼ਰਮਾ ਡ੍ਰੈਗਨ ਬੋਟ ਮੁਕਾਬਲਿਆਂ ਲਈ ਭਾਰਤੀ ਟੀਮ ‘ਚ ਚੁਣਿਆ ਗਿਆ ਹੈ। ਚੀਨ ‘ਚ ਇਸੇ ਮਹੀਨੇ ਹੋਣ ਵਾਲੇ ਵਿਸ਼ਵ ਕੱਪ ‘ਚ ਭਾਰਤੀ ਟੀਮ ਹਿੱਸਾ ਲਵੇਗੀ, ਜਿਸ ‘ਚ ਰੋਹਿਤ ਸਮੇਤ ਪੰਜਾਬ ਨਾਲ ਸਬੰਧਿਤ 6 ਖਿਡਾਰੀ ਸ਼ਾਮਲ ਹਨ। ਹਾਲ ਹੀ ਵਿੱਚ ਰੋਹਿਤ ਸ਼ਰਮਾ ਪੁੱਤਰ ਰਾਜਿੰਦਰ ਸਿੰਘ ਨੇ ਕਰਨਾਟਕਾ ‘ਚ ਹੋਈ ਕੌਂਮੀ ਚੈਂਪੀਅਨਸ਼ਿਪ ‘ਚੋਂ ਡ੍ਰੈਗਨ ਬੋਟ ਦੇ 500 ਮੀਟਰ ਮੁਕਾਬਲੇ ‘ਚ ਹਿੱਸਾ ਲੈ ਕੇ ਸੋਨ ਤਗਮਾ ਜਿੱਤਿਆ ਸੀ। ਇਸ ਜਿੱਤ ਦੇ ਆਧਾਰ ‘ਤੇ ਹੀ ਰੋਹਿਤ ਦੀ ਚੋਣ ਭਾਰਤੀ ਟੀਮ ਲਈ ਹੋਈ ਹੈ। ਰੋਹਿਤ ਨੇ ਦੱਸਿਆ ਕਿ ਭਾਰਤੀ ਟੀਮ 20 ਤੋਂ 23 ਜੂਨ ਤੱਕ ਹੋਣ ਵਾਲੇ ਵਿਸ਼ਵ ਕੱਪ ‘ਚ ਹਿੱਸਾ ਲਵੇਗੀ। -ਪੱਤਰ ਪ੍ਰੇਰਕ