ਡਾ. ਗਾਂਧੀ ਵੱਲੋਂ 2014 ’ਚ ਰਿਕਸ਼ੇ ’ਤੇ ਜਾ ਕੇ ਕਾਗਜ਼ ਦਾਖਲ ਕਰਨ ਦੀ ਮੁੜ ਚਰਚਾ
07:20 AM May 09, 2024 IST
ਗੁਰਨਾਮ ਸਿੰਘ ਅਕੀਦਾ
ਪਟਿਆਲਾ, 8 ਮਈ
ਕਾਂਗਰਸ ਦੇ ਪਟਿਆਲਾ ਤੋਂ ਉਮੀਦਵਾਰ ਡਾ. ਧਰਮਵੀਰ ਗਾਂਧੀ ਜਦੋਂ 2014 ਵਿਚ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਸਨ ਤਾਂ ਰਿਕਸ਼ੇ ਦੀ ਸਵਾਰੀ ਕਰ ਕੇ ਕਾਗ਼ਜ਼ ਦਾਖਲ ਕਰਨ ਲਈ ਪੁੱਜੇ ਸਨ ਪਰ ਅੱਜ ਉਹ ਗੱਡੀਆਂ ਦੇ ਵੱਡੇ ਕਾਫ਼ਲੇ ਨਾਲ ਛੋਟੀ ਬਾਰਾਂਦਰੀ ਤੋਂ ਡੀਸੀ ਦਫ਼ਤਰ ਤੱਕ ਪੁੱਜੇ। ਉਨ੍ਹਾਂ ਦੇ ਸਾਥੀ ਰਹੇ ਜਰਨੈਲ ਸਿੰਘ ਮੰਨੂ ਨੇ ਕਿਹਾ ਕਿ ਇਹ ਬਦਲਾਅ ਡਾ. ਧਰਮਵੀਰ ਗਾਂਧੀ ਵਿਚ ਪਾਰਟੀ ਬਦਲਣ ਤੋਂ ਬਾਅਦ ਆਇਆ ਹੈ। ਉਹ ਹੁਣ ਆਮ ਆਦਮੀ ਦੇ ਨੇਤਾ ਨਹੀਂ, ਸਗੋਂ ਰਵਾਇਤੀ ਪਾਰਟੀ ਦੇ ਨੇਤਾ ਬਣ ਗਏ ਹਨ। ਇਸ ਬਾਰੇ ਉਨ੍ਹਾਂ ਦੇ ਸਾਥੀ ਰਹੇ ਕੁੰਦਨ ਗੋਗੀਆ ਨੇ ਵੀ ਕਿਹਾ ਕਿ ਸਮੇਂ ਨਾਲ ਸਭ ਬਦਲ ਜਾਂਦਾ ਹੈ, 2014 ਵਿਚ ਵਿਸ਼ੇਸ਼ ਕਰ ਕੇ ਆਮ ਲੋਕਾਂ ਦਾ ਉਮੀਦਵਾਰ ਦਿਖਾਉਣ ਲਈ ਡਾ. ਧਰਮਵੀਰ ਗਾਂਧੀ ਰਿਕਸ਼ੇ ’ਤੇ ਬੈਠ ਕੇ ਚੋਣ ਲੜਨ ਲਈ ਗਏ ਸਨ।
Advertisement
Advertisement
Related News
Advertisement