ਡਾ. ਰਵੀਕਾਂਤ ਬਮੋਤਰਾ ਫਾਇਕੋ ਐਵਾਰਡ ਨਾਲ ਸਨਮਾਨੇ

ਭਗਤਾ ਭਾਈ: ਵਿਵੇਕ ਮਿਸ਼ਨ ਚੈਰੀਟੇਬਲ ਅੱਖ਼ਾਂ ਦਾ ਹਸਪਤਾਲ ਜਲਾਲ ਵਿੱਚ ਲੰਬੇ ਸਮੇਂ ਤੋਂ ਸੇਵਾਵਾਂ ਨਿਭਾਅ ਰਹੇ ਅੱਖਾਂ ਦੇ ਮਾਹਿਰ ਡਾ. ਰਵੀਕਾਂਤ ਬਮੋਤਰਾ ਨੂੰ ਫ਼ਾਇਕੋ ਐਵਾਰਡ ਮਿਲਿਆ ਹੈ। ਵਿਵੇਕ ਆਸ਼ਰਮ ਜਲਾਲ ਦੇ ਮੁਖੀ ਸੁਆਮੀ ਬ੍ਰਹਮ ਮੁਨੀ ਤੇ ਬਾਬਾ ਗੰਗਾ ਰਾਮ ਨੇ ਦੱਸਿਆ ਕਿ ਪਿਛਲੇ ਦਿਨੀਂ ਕੋਚੀ ਵਿੱਚ ਅੱਖਾਂ ਦੀ 81ਵੀਂ ਕੌਮਾਂਤਰੀ ਕਾਨਫਰੰਸ ਵਿੱਚ ਡਾ. ਰਵੀਕਾਂਤ ਬਮੋਤਰਾ ਨੂੰ ਅੱਖਾਂ ਦੀਆਂ ਬਿਮਾਰੀਆਂ ਸਬੰਧੀ ਉੱਤਮ ਗਿਆਨ ਕਰ ਕੇ ਆਲ ਇੰਡੀਆ ਕਾਲਜੀਅਮ ਆਫ ਔਫਥਲ ਮੋਲੋਜਿਸਟ ਸੁਸਾਇਟੀ ਵੱਲੋਂ ਫਾਇਕੋ ਐਵਾਰਡ ਪ੍ਰਦਾਨ ਕੀਤਾ ਗਿਆ। ਇਸ ਦੌਰਾਨ ਸੁਆਮੀ ਬ੍ਰਹਮ ਮੁਨੀ, ਬਾਬਾ ਗੰਗਾ ਰਾਮ ਜੀ, ਡਾ. ਮੀਨਾਕਸ਼ੀ ਸਿੰਧੂ, ਸਮਾਜ ਸੇਵੀ ਗੁਲਾਬ ਚੰਦ ਸਿੰਗਲਾ, ਡਾ. ਵਿਜੇ ਬਾਂਸਲ, ਸਤੀਸ਼ ਕੁਮਾਰ ਕਲਿਆਣ ਨੇ ਡਾ. ਬਮੋਤਰਾ ਦੀ ਇਸ ਪ੍ਰਾਪਤੀ ‘ਤੇ ਖੁਸ਼ੀ ਜ਼ਾਹਿਰ ਕਰਦੇ ਹੋਏ ਹਸਪਤਾਲ ਦੇ ਸਟਾਫ ਨੂੰ ਵਧਾਈ ਦਿੱਤੀ। -ਪੱਤਰ ਪ੍ਰੇਰਕ