ਡਾ. ਦੂਰਦਰਸ਼ੀ ਸਿੰਘ ਦਾ ਸਨਮਾਨ

ਫਤਹਿਗੜ੍ਹ ਸਾਹਿਬ:

ਬਾਬਾ ਬੰਦਾ ਸਿੰਘ ਬਹਾਦਰ ਇੰਜੀਨੀਅਰਿੰਗ ਕਾਲਜ ਫ਼ਤਹਿਗੜ੍ਹ ਸਾਹਿਬ ਦੇ ਐਸੋਸੀਏਟ ਪ੍ਰੋਫੈਸਰ ਡਾ. ਦੂਰਦਰਸ਼ੀ ਸਿੰਘ ਨੂੰ ਤਕਨੀਕੀ ਵਿਦਿਆ ਅਤੇ ਖੋਜ ਦੇ ਖੇਤਰ ਵਿੱਚ ਆਈ.ਐਸ.ਟੀ.ਈ. ਬੈਸਟ ਟੀਚਰ ਐਵਾਰਡ 2024 ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਐਵਾਰਡ ਭਾਈ ਗੁਰਦਾਸ ਇੰਜੀਨੀਅਰਿੰਗ ਤੇ ਟੈਕਨੋਲੋਜੀ ਇੰਸਟੀਚਿਊਟ ਸੰਗਰੂਰ ’ਚ ਹੋਏ ਸਮਾਰੋਹ ਦੌਰਾਨ ਆਈ.ਕੇ. ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਸੁਸ਼ੀਲ ਮਿੱਤਲ ਤੇ ਆਈ.ਐਸ.ਟੀ.ਈ ਦੇ ਪ੍ਰਧਾਨ ਡਾ. ਪ੍ਰਤਾਪ ਸਿੰਘ ਕਾਕਾ ਸਾਹਿਬ ਦੇਸਾਈ ਵੱਲੋਂ ਦਿਤਾ ਗਿਆ। ਕਾਲਜ ਪ੍ਰਿੰਸਿਪਲ ਡਾ. ਲਖਵੀਰ ਸਿੰਘ ਨੇ ਡਾ. ਦੂਰਦਰਸ਼ੀ ਸਿੰਘ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ। -ਨਿੱਜੀ ਪੱਤਰ ਪ੍ਰੇਰਕ