ਰਾਜਪੁਰਾ ਦੀਆਂ ਦਰਜਨਾਂ ਮਹਿਲਾਵਾਂ ‘ਆਪ’ ਵਿੱਚ ਸ਼ਾਮਲ

ਦਰਸ਼ਨ ਸਿੰਘ ਮਿੱਠਾ
ਰਾਜਪੁਰਾ, 27 ਮਈ
ਵਿਧਾਨ ਸਭਾ ਹਲਕਾ ਰਾਜਪੁਰਾ ਦੀ ਵਿਧਾਇਕਾ ਨੀਨਾ ਮਿੱਤਲ ਨੇ ਲੋਕ ਸਭਾ ਹਲਕਾ ਪਟਿਆਲਾ ਤੋਂ ਪਾਰਟੀ ਉਮੀਦਵਾਰ ਡਾ. ਬਲਬੀਰ ਸਿੰਘ ਲਈ ਸ਼ਹਿਰ ਦੇ ਵੱਖ ਵੱਖ ਵਾਰਡਾਂ ਵਿੱਚ ਚੋਣ ਪ੍ਰਚਾਰ ਕੀਤਾ। ਇਸ ਦੌਰਾਨ ਵਾਰਡ ਨੰਬਰ 9 ਦੇ ਵਾਸੀਆਂ ਜਿਨ੍ਹਾਂ ਵਿੱਚ ਅਰੂਸ਼ੀ ਝਾਂਬ, ਰੇਨੂ ਕਿੰਗਰ, ਸੁਨੀਤਾ, ਮੀਨਾ ਝਾਂਬ, ਜੈਸਮੀਨ ਝਾਂਬ, ਚੰਦਰ ਕਾਂਤਾ, ਸ਼ਰਮਾ ਪਰਿਵਾਰ, ਦਿਸ਼ਾ ਛਾਬੜਾ, ਭੂਮਿਕਾ ਛਾਬੜਾ, ਸਚਿਨ ਕਿੰਗਰ, ਸੰਜੇ ਸ਼ਰਮਾ, ਦੀਪੂ ਸ਼ਰਮਾ, ਨਿਤਿਕਾ ਮਹਿਤਾ, ਵਾਣੀ ਛਾਬੜਾ, ਲਤਾ ਕਿੰਗਰ, ਕੋਮਲ ਝਾਂਬ, ਪਾਇਲ ਝਾਂਬ, ਪ੍ਰਥਮ ਕਿੰਗਰ, ਰਿੱਧੀ ਕਿੰਗਰ, ਮੀਨਾਕਸ਼ੀ ਕਿੰਗਰ, ਸੀਮਾ, ਵੀਨਾ ਤਨੇਜਾ, ਸੀਮਾ ਕੱਕੜ, ਮਹਿਕ ਤਨੇਜਾ, ਕਾਜਲ ਕਿੰਗਰ, ਅਤੁੱਲ ਕਿੰਗਰ, ਸਤੀਸ਼ ਕਿੰਗਰ, ਅਮਿਤ ਕਾਲੜਾ, ਰਾਹੁਲ ਕਿੰਗਰ ਆਦਿ ਸ਼ਾਮਲ ਸਨ, ਨੇ ਆਮ ਆਦਮੀ ਪਾਰਟੀ ਵਿਚ ਸ਼ਮੂਲੀਅਤ ਕੀਤੀ ਹੈ। ਵਿਧਾਇਕਾ ਮਿੱਤਲ ਨੇ ਪਾਰਟੀ ਵਿੱਚ ਸ਼ਾਮਲ ਹੋਣ ਵਾਲ਼ੇ ਲੋਕਾਂ ਨੂੰ ਪਾਰਟੀ ਚਿੰਨ੍ਹ ਵਾਲ਼ਾ ਮਫ਼ਲਰ ਪਾ ਕੇ ਸਨਮਾਨਤ ਕੀਤਾ। ਵਿਧਾਇਕਾ ਮਿੱਤਲ ਨੇ ਕਿਹਾ ਕਿ ਸੂਬਾ ਸਰਕਾਰ ਨੇ ਜਨਤਾ ਨਾਲ ਕੀਤੇ ਸਾਰੇ ਵਾਅਦਿਆਂ ਨੂੰ ਵਾਰੋਂ-ਵਾਰੀ ਪੂਰਾ ਕਰ ਕੇ ਲੋਕਾਂ ਦਾ ਦਿਲ ਜਿੱਤਿਆ ਹੈ। ਇਹੀ ਕਾਰਨ ਹੈ ਕਿ ਲੋਕ ਆਮ ਆਦਮੀ ਪਾਰਟੀ ਵਿੱਚ ਲਗਾਤਾਰ ਸ਼ਾਮਲ ਹੋ ਰਹੇ ਹਨ। ਉਨ੍ਹਾਂ ‘ਆਪ’ ਉਮੀਦਵਾਰ ਡਾ. ਬਲਬੀਰ ਸਿੰਘ ਦੇ ਹੱਕ ਵਿੱਚ ਭੁਗਤਣ ਦੀ ਅਪੀਲ ਕੀਤੀ।

ਸੁੰਦਰ ਸਿੰਘ ਵਾਲਾ ਦੀ ਪੰਚਾਇਤ ‘ਆਪ’ ਵਿੱਚ ਸ਼ਾਮਲ

ਦੇਵੀਗੜ੍ਹ (ਪੱਤਰ ਪ੍ਰੇਰਕ): ਹਲਕਾ ਸਨੌਰ ਦੇ ਪਿੰਡ ਸੁੰਦਰ ਸਿੰਘ ਵਾਲਾ ਦੀ ਪੰਚਾਇਤ ਤੇ ਦਰਜਨਾਂ ਪਰਿਵਾਰ ਅੱਜ ਵਿਧਾਇਕ ਹਰਮੀਤ ਸਿੰਘ ਪਠਾਣਮਾਜਰਾ ਦੀ ਮੌਜੂਦਗੀ ਵਿੱਚ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋ ਗਏ ਹਨ। ਇਸ ਮੌਕੇ ਵਿਧਾਇਕ ਪਠਾਣਮਾਜਰਾ ਨੇ ਸਰਪੰਚ ਭੁਪਿੰਦਰ ਸਿੰਘ, ਪੰਚ ਜਸਵਿੰਦਰ ਸਿੰਘ, ਪੰਚ ਸਤਨਾਮ ਸਿੰਘ, ਪੰਚ ਪਰਮਜੀਤ ਕੌਰ, ਚਰਕ ਸਿੰਘ, ਤੇਜਾ ਸਿੰਘ, ਬੂਟਾ ਸਿੰਘ, ਦਵਿੰਦਰ ਸਿੰਘ, ਸਰਬਜੀਤ ਸਿੰਘ, ਬਲਵਿੰਦਰ ਕੌਰ, ਕੁਲਦੀਪ ਕੌਰ ਅਤੇ ਸਮੂਹ ਨਗਰ ਨਿਵਾਸੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋਣ ਵਾਲੇ ਹਰ ਇੱਕ ਵਰਕਰ ਦਾ ਮਾਨ ਸਨਮਾਨ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਲੋਕ ਸਭਾ ਹਲਕਾ ਪਟਿਆਲਾ ਤੋਂ ‘ਆਪ’ ਉਮੀਦਵਾਰ ਡਾ. ਬਲਵੀਰ ਸਿੰਘ ਨੂੰ ਚੋਣਾਂ ਵਿੱਚ ਪੂਰੇ ਲੋਕ ਸਭਾ ਹਲਕੇ ਵਿੱਚੋਂ ਸਭ ਤੋਂ ਵੱਧ ਲੀਡ ਹਲਕਾ ਸਨੌਰ ਤੋਂ ਦਵਾ ਕੇ ਲੋਕ ਸਭਾ ਭੇਜਾਂਗੇ।