ਰਾਜਿੰਦਰਾ ਹਸਪਤਾਲ ਲਈ ਦੋ ਵ੍ਹੀਲਚੇਅਰਜ਼ ਭੇਟ

ਪਟਿਆਲਾ:

ਜਨ ਹਿੱਤ ਸਮਿਤੀ ਵਲੋਂ ਪ੍ਰਧਾਨ ਐਸਕੇ ਗੌਤਮ ਅਤੇ ਜਨਰਲ ਸਕੱਤਰ ਵਿਨੋਦ ਸ਼ਰਮਾ ਦੀ ਅਗਵਾਈ ਹੇਠ ਸਰਕਾਰੀ ਰਾਜਿੰਦਰਾ ਹਸਪਤਾਲ ਪਟਿਆਲਾ ਵਿੱਚ ਲੋੜਵੰਦ ਮਰੀਜ਼ਾਂ ਲਈ ਦੋ ਵੀਲ੍ਹਚੇਅਰਜ਼ ਦਾਨ ਕੀਤੀਆਂ ਗਈਆਂ। ਇਹ ਰਸਮ ਸਮਾਜ ਸੇਵਕ ਐੱਸਡੀ ਵਰਮਾ ਨੇ ਅਦਾ ਕੀਤੀ ਜਿਨ੍ਹਾਂ ਨੇ ਸੰਸਥਾ ਦੇ ਅਜਿਹੇ ਉਪਰਾਲੇ ਦੀ ਭਰਵੀਂ ਸ਼ਲਾਘਾ ਕੀਤੀ। ਇਸ ਮੌਕੇ ਜਨਹਿੱਤ ਸਮਿਤੀ ਦੇ ਜਨਰਲ ਸਕੱਤਰ ਵਿਨੋਦ ਸ਼ਰਮਾ ਨੇ ਕਿਹਾ ਕਿ ਉਨ੍ਹਾਂ ਦੀ ਸੰਸਥਾ ਹਮੇਸ਼ਾ ਲੋੜਵੰਦਾਂ ਦੀ ਹਰ ਸੰਭਵ ਮਦਦ ਕਰਦੀ ਰਹੇਗੀ। ਇਸ ਮੌਕੇ ਸਮਿਤੀ ਵਲੋਂ ਐੱਸਪੀ ਪਰਾਸ਼ਰ, ਐੱਚਐੱਸ ਮੇਸ਼ਨਪੁਰੀ, ਸਰਦਾਰ ਸਿੰਘ ਤੇ ਗਗਨਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ। -ਖੇਤਰੀ ਪ੍ਰਤੀਨਿਧ