ਵਿਦਿਆਰਥੀਆਂ ਨੂੰ ਵਰਦੀਆਂ ਵੰਡੀਆਂ

ਭੁੱਚੋ ਮੰਡੀ: ਦ੍ਰਿਸ਼ਟੀ ਆਈ ਡੋਨੇਸ਼ਨ ਸੁਸਾਇਟੀ ਵੱਲੋਂ ਝੁੱਗੀਆਂ ਝੌਪੜੀਆਂ ਵਾਲੇ ਇਲਾਕੇ ਦੇ ਬੱਚਿਆਂ ਨੂੰ ਅੱਖਰ ਗਿਆਨ ਦੇਣ ਲਈ ਚੱਲ ਰਹੇ ਗਿਆਨ ਜੋਤੀ ਐਜੂਕੇਸ਼ਨ ਕੋਚਿੰਗ ਸੈਂਟਰ ਵਿੱਚ ਅੱਜ ਦਾਨੀ ਸੱਜਣਾਂ ਨੇ 55 ਵਿਦਿਆਰਥੀਆਂ ਨੂੰ ਵਰਦੀਆਂ ਵੰਡੀਆਂ। ਇਨ੍ਹਾਂ ਦੀ ਵੰਡ ਮੁੱਖ ਮਹਿਮਾਨ ਐਸਐਮਓ ਡਾ. ਅੰਜੂ ਕਾਂਸਲ, ਸਮਾਗਮ ਦੀ ਪ੍ਰਧਾਨਗੀ ਕਰ ਰਹੇ ਪ੍ਰੋ. ਐਮਐਲ ਕਾਂਸਲ ਅਤੇ ਸ਼ਹਿਰ ਦੇ ਪਤਵੰਤਿਆਂ ਨੇ ਕੀਤੀ। ਉਨ੍ਹਾਂ ਸੁਸਾਇਟੀ ਦੇ ਇਸ ਮਹਾਨ ਕਾਰਜ ਦੀ ਸ਼ਲਾਘਾ ਕੀਤੀ। ਸੈਂਟਰ ਇੰਚਾਰਜ ਰਾਜਵਿੰਦਰ ਸਿੰਘ ਰੰਗੀਲਾ, ਚੇਅਰਮੈਨ ਸੁਸ਼ੀਲ ਨਾਗਪਾਲ ਅਤੇ ਸ਼ੁਕਲ ਮਹੇਸ਼ਵਰੀ ਨੇ ਦੱਸਿਆ ਕਿ ਵਰਦੀਆਂ ਦੀ ਇਹ ਸੇਵਾ ਰੂਪ ਲਾਲ ਮਹੇਸ਼ਵਰੀ ਤੇ ਸੁਰੇਸ਼ ਝਾਲਰੀਆ (ਡੱਬਵਾਲੀ) ਅਤੇ ਐੱਸਐੱਮਓ ਅੰਜੂ ਕਾਂਸਲ ਨੇ ਕੀਤੀ ਹੈ। -ਪੱਤਰ ਪ੍ਰੇਰਕ