ਲੋੜਵੰਦ ਪਰਿਵਾਰਾਂ ਨੂੰ ਕੰਬਲ ਵੰਡੇ

ਕਾਦੀਆਂ: ਇੱਥੇ ਗੁਰਦੁਆਰਾ ਦੂਖ ਨਿਵਾਰਨ ਸਾਹਿਬ ਡੱਲਾ ਮੋੜ ਵਿੱਚ ਸੁਭਾਸ਼ ਦੀਵਾਨ (ਕਾਲੇ ਸ਼ਾਹ) ਸ਼ੈਲਰ ਵਾਲੇ ਦੇ ਪਰਿਵਾਰ ਵੱਲੋਂ ਗ਼ਰੀਬ ਅਤੇ ਲੋੜਵੰਦ ਪਰਿਵਾਰਾਂ ਨੂੰ 125 ਕੰਬਲ ਵੰਡੇ ਗਏ। ਇਸ ਸਬੰਧੀ ਗੁਰਦੁਆਰਾ ਪ੍ਰਬੰਧਕਾਂ ਨੇ ਦੱਸਿਆ ਕਿ ਉਹ ਸੁਭਾਸ਼ ਦੀਵਾਨ ਦੇ ਧੰਨਵਾਦੀ ਹਨ ਜੋ ਹਰ ਸਾਲ ਗ਼ਰੀਬਾਂ ਦੀ ਸੇਵਾ ਕਰਦੇ ਹਨ| ਉਨ੍ਹਾਂ ਕਿਹਾ ਕਿ ਸੁਭਾਸ਼ ਦੀਵਾਨ ਨੇ ਕੁਝ ਸਾਲ ਪਹਿਲਾਂ ਗੁਰਦੁਆਰਾ ਸਾਹਿਬ ਨੂੰ ਇੱਕ ਕਨਾਲ ਜਗ੍ਹਾ ਲੰਗਰ ਹਾਲ ਲਈ ਦਾਨ ਕੀਤੀ ਸੀ ਅਤੇ ਰਜਿਸਟਰੀ ਦਾ ਖਰਚਾ ਖੁਦ ਚੁੱਕਿਆ ਸੀ। ਸੁਭਾਸ਼ ਦੀਵਾਨ ਦੇ ਪਰਿਵਾਰ ਨੂੰ ਪੋਤਰੇ ਦੀ ਦਾਤ ਬਖਸ਼ਣ ਉਪਰੰਤ ਉਨ੍ਹਾਂ ਗੁਰਦੁਆਰਾ ਸਾਹਿਬ ਮੱਥਾ ਟੇਕਿਆ ਅਤੇ ਗ਼ਰੀਬ ਤੇ ਲੋੜਵੰਦਾਂ ਨੂੰ ਕੰਬਲ ਵੰਡੇ। ਇਸ ਮੌਕੇ ਨੀਲਮ ਦੀਵਾਨ, ਵਿਵੇਕ ਦੀਵਾਨ ਅਤੇ ਉਨ੍ਹਾਂ ਦੀ ਪਤਨੀ ਹਾਜ਼ਰ ਸਨ। ਇਸ ਮੌਕੇ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੋਂ ਗ੍ਰੰਥੀ ਜੋਬਨਜੀਤ ਸਿੰਘ, ਲਵਪ੍ਰੀਤ ਸਿੰਘ ਪ੍ਰਧਾਨ, ਤਰਲੋਕ ਸਿੰਘ, ਰਣਧੀਰ ਸਿੰਘ, ਮਨਜੀਤ ਸਿੰਘ ਤੇ ਸਲਿੰਦਰ ਸਿੰਘ ਹਾਜ਼ਰ ਸਨ| -ਪੱਤਰ ਪ੍ਰੇਰਕ