ਖਸਤਾ ਹਾਲ ਧਰਮਸ਼ਾਲਾ ਦੀ ਮੁਰੰਮਤ ਮੰਗੀ

ਪੱਤਰ ਪ੍ਰੇਰਕ
ਭੁੱਚੋ ਮੰਡੀ, 11 ਜੁਲਾਈ
ਪਿੰਡ ਚੱਕ ਰਾਮ ਸਿੰਘ ਵਾਲਾ ਦੇ ਵਾਸੀਆਂ ਨੇ ਪਿੰਡ ਦੀ ਪੰਚਾਇਤ ਨੂੰ ਲਿਖਤੀ ਸ਼ਿਕਾਇਤ ਦੇ ਕੇ ਪਿੰਡ ਦੀ ਡਿੱਗ ਰਹੀ ਖ਼ਸਤਾ ਹਾਲ ਧਰਮਸ਼ਾਲਾ ਦਾ ਕੋਈ ਹੱਲ ਕਰਨ ਦੀ ਮੰਗ ਕੀਤੀ। ਪਿੰਡ ਵਾਸੀ ਗੁਰਜੰਟ ਸਿੰਘ, ਬਬਲਾ ਸ਼ਰਮਾ, ਅਰਸ਼ਪ੍ਰੀਤ ਅਤੇ ਅਮਰ ਨਾਥ ਨੇ ਸਰਪੰਚ ਸਰਬਜੀਤ ਸਿੰਘ, ਸਾਬਕਾ ਸਰਪੰਚ ਕੇਹਰ ਸਿੰਘ ਅਤੇ ਪੰਚਾਂ ਨੂੰ ਮੀਹਾਂ ਦੌਰਾਨ ਡਿੱਗ ਰਹੀ ਧਰਮਸ਼ਾਲਾ ਦੀਆਂ ਛੱਤਾਂ ਦਿਖਾਈਆਂ। ਉਨ੍ਹਾਂ ਦੱਸਿਆ ਕਿ ਦੋ ਗਲੀਆਂ ’ਤੇ ਲੱਗਣ ਵਾਲੀ ਇਸ ਧਰਮਸ਼ਾਲਾ ਦਾ ਮਲਬਾ ਕਿਸੇ ਸਮੇਂ ਵੀ ਨਾਲ ਲੱਗਦੇ ਘਰਾਂ ਵਿੱਚ ਡਿੱਗ ਕੇ ਕੋਈ ਜਾਨੀ ਜਾਂ ਮਾਲੀ ਨੁਕਸਾਨ ਕਰ ਸਕਦਾ ਹੈ। ਸਰਪੰਚ ਨੇ ਭਰੋਸਾ ਦਿਵਾਇਆ ਕਿ ਇਹ ਮਾਮਲਾ ਨਥਾਣਾ ਦੇ ਬੀਡੀਪੀਓ ਦੇ ਧਿਆਨ ਵਿੱਚ ਲਿਆਂਦਾ ਜਾਵੇਗਾ ਅਤੇ ਇਸ ਦਾ ਅਧਿਕਾਰੀਆਂ ਦੇ ਹਿਸਾਬ ਨਾਲ ਹੱਲ ਕਰ ਦਿੱਤਾ ਜਾਵੇਗਾ। ਲਿਖਤੀ ਸ਼ਿਕਾਇਤ ਉਪਰ ਦੋ ਦਰਜਨ ਪਿੰਡ ਵਾਸੀਆਂ ਦੇ ਦਸਖ਼ਤ ਸਨ।