ਅਮਰੀਕਾ ਤੋਂ ਧਰਮਿੰਦਰ ਨੇ ਕਿਹਾ,‘ਮੈਂ ਠੀਕ-ਠਾਕ ਹਾਂ ਤੇ ਛੇਤੀ ਦੇਸ਼ ਪਰਤਾਂਗਾ’

ਮੁੰਬਈ, 13 ਸਤੰਬਰ
ਅਦਾਕਾਰ ਧਰਮਿੰਦਰ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਦੱਸਿਆ ਕਿ ਉਹ ਛੁੱਟੀਆਂ ’ਤੇ ਅਮਰੀਕਾ ’ਚ ਹਨ ਤੇ ਜਲਦੀ ਹੀ ਦੇਸ਼ ਵਾਪਸ ਆਉਣਗੇ। ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਇਹ ਖ਼ਬਰਾਂ ਆਈਆਂ ਸਨ ਕਿ ਇਸ ਬਜ਼ੁਰਗ ਅਦਾਕਾਰ ਦੀ ਸਿਹਤ ਠੀਕ ਨਹੀਂ ਹੈ ਤੇ ਉਹ ਇਲਾਜ ਲਈ ਅਮਰੀਕਾ ਵਿਚ ਹੈ। ਅਦਾਕਾਰ ਦੇ ਬਿਆਨ ਨਾਲ ਅਜਿਹੀਆਂ ਕਿਆਸ ਅਰਾਈਆਂ ਨੂੰ ਫੁੱਲ ਸਟਾਪ ਲੱਗ ਗਿਆ ਹੈ। 87 ਸਾਲਾ ਅਭਿਨੇਤਾ, ਜੋ ਆਖਰੀ ਵਾਰ ਕਰਨ ਜੌਹਰ ਦੀ ਫਿਲਮ 'ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ' ਵਿੱਚ ਨਜ਼ਰ ਆਇਆ ਸੀ, ਨੇ ਅਮਰੀਕਾ ਵਿਚ ਆਪਣੀ ਵੀਡੀਓ ਸ਼ੇਅਰ ਕੀਤੀ ਹੈ।