ਸਤਲੁਜ ਕੰਢੇ ਦੱਬਿਆ ਲਾਹਣ ਨਸ਼ਟ ਕੀਤਾ

ਪੱਤਰ ਪ੍ਰੇਰਕ
ਜਗਰਾਉਂ, 9 ਅਕਤੂਬਰ
ਐੱਸਪੀ (ਡੀ) ਪਰਮਿੰਦਰ ਸਿੰਘ ਦੀ ਨਿਗਰਾਨੀ ਹੇਠ ਡੀਐੱਸਪੀ ਵਰਿੰਦਰ ਸਿੰਘ ਖੋਸਾ ਨੇ ਸਤਲੁਜ ਦਰਿਆ ਦੇ ਕਿਨਾਰੇ ਸ਼ਰਾਬ ਕਸੀਦ ਕਰਨ ਲਈ ਦੱਬਿਆ ਲਾਹਣ ਬਰਾਮਦ ਕਰ ਨਸ਼ਟ ਕਰਵਾਇਆ। ਡੀਐੱਸਪੀ ਵਰਿੰਦਰ ਸਿੰਘ ਖੋਸਾ ਨੇ ਦੱਸਿਆ ਕਿ ਪੁਲੀਸ ਟੀਮ ਨਾਲ ਐਕਸਾਈਜ਼ ਵਿਭਾਗ ਦੇ ਇੰਸਪੈਕਟਰ ਵਿਜੇ ਕੁਮਾਰ ਨੇ ਸਹਿਯੋਗ ਦਿੱਤਾ। ਮੌਕੇ ’ਤੇ ਬਰਾਮਦ ਸਾਮਾਨ ਦਾ ਵੇਰਵਾ ਦਿੰਦਿਆਂ ਸਬ-ਇੰਸਪੈਕਟਰ ਬਲਜੀਤ ਸਿੰਘ ਅਤੇ ਕਰਮਜੀਤ ਸਿੰਘ ਨੇ ਦੱਸਿਆ ਕਿ 4250 ਲਿਟਰ ਲਾਹਣ, ਇੱਕ ਤਰਪਾਲ, ਦੋ ਡਰੰਮ, ਇੱਕ ਟਿਊਬ ਪੁਲੀਸ ਨੇ ਕਬਜ਼ੇ ’ਚ ਲੈ ਲਈ ਅਤੇ ਲਾਹਣ ਮੌਕੇ ’ਤੇ ਹੀ ਨਸ਼ਟ ਕਰ ਦਿੱਤਾ ਗਿਆ।