ਲਾਇਨਜ਼ ਕਲੱਬ ਵੱਲੋਂ ਦੰਦਾਂ ਦਾ ਕਲੀਨਿਕ ਸ਼ੁਰੂ

ਖਰੜ: ਲਾਇਨਜ਼ ਕਲੱਬ ਖਰੜ ਦੇ ਦੂਜੇ ਪ੍ਰਾਜੈਕਟ ਚੈਰੀਟੇਬਲ ਦੰਦਾਂ ਦੇ ਕਲੀਨਿਕ ਦਾ ਉਦਘਾਟਨ ਮੁੱਖ ਮਹਿਮਾਨ ਲਾਇਨ ਨਾਕੇਸ਼ ਗਰਗ, ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਪ੍ਰੋ. ਡਾ. ਪਰਵਿੰਦਰ ਸਿੰਘ ਅਤੇ ਕੌਂਸਲਰ ਵਨੀਤ ਜੈਨ ਵੱਲੋਂ ਕੀਤਾ ਗਿਆ। ਪ੍ਰਾਜੈਕਟ ਮੈਨੇਜਰ ਲਾਇਨ ਪ੍ਰੀਤ ਕੰਵਲ ਸਿੰਘ ਅਤੇ ਦਵਿੰਦਰ ਗੁਪਤਾ ਨੇ ਦੱਸਿਆ ਕਿ ਇਹ ਕਲੀਨਿਕ ਰਿਆਤ ਬਾਹਰਾ ਡੈਂਟਲ ਕਾਲਜ ਅਤੇ ਹਸਪਤਾਲ ਸਹੌੜਾਂ ਦੇ ਸਹਿਯੋਗ ਨਾਲ ਚਲਾਇਆ ਜਾਵੇਗਾ। ਡੈਂਟਲ ਕਾਲਜ ਦੇ ਡਾ. ਮੇਘਨਾ, ਪੂਜਾ ਸੰਧੂ, ਪੂਜਾ ਰਾਣੀ ਦੀ ਟੀਮ ਬਹੁਤ ਹੀ ਘੱਟ ਦਰਾਂ ’ਤੇ ਇਲਾਜ ਕਰੇਗੀ। ਪ੍ਰਧਾਨ ਲਾਇਨ ਨਵੀਨ ਕੁਮਾਰ ਗੁਪਤਾ ਨੇ ਦੱਸਿਆ ਕਿ ਕਲੱਬ ਵੱਲੋਂ ਇੱਥੇ ਪਹਿਲਾਂ ਚੈਰੀਟੇਬਲ ਲੈਬਾਰਟਰੀ ਵੀ ਚਲਾਈ ਜਾ ਰਹੀ ਹੈ। ਇਸ ਮੌਕੇ ਪ੍ਰਿੰਸੀਪਲ ਰਿਆਤ ਬਾਹਰਾ ਡੈਂਟਲ ਕਾਲਜ ਡਾ. ਅਕਸ਼ੈ ਨੇ ਲਾਇਨਜ਼ ਕਲੱਬ ਖਰੜ ਦਾ ਧੰਨਵਾਦ ਕੀਤਾ। -ਪੱਤਰ ਪ੍ਰੇਰਕ