ਨਾਜਾਇਜ਼ ਕਬਜ਼ੇ ਦੀ ਉਸਾਰੀ ਰੁਕਵਾਉਣ ਦੀ ਮੰਗ
07:47 AM Jun 03, 2024 IST
ਨਿੱਜੀ ਪੱਤਰ ਪ੍ਰੇਰਕ
ਰਾਜਪੁਰਾ, 2 ਜੂਨ
ਪੁਰਾਣਾ ਰਾਜਪੁਰਾ ਦੇ ਮੁਹੱਲਾ ਤੇਲੀਆਂ ਵਾਲਾ ਅਤੇ ਮੁਹੱਲਾ ਜੱਟਾਂ ਵਾਲਾ ਵਿਚਕਾਰ ਉਸਾਰੇ ਜਾ ਰਹੇ ਇਕ ਮਕਾਨ ਦੇ ਮਾਲਕ ਵੱਲੋਂ ਨਕਸ਼ੇ ਤੋਂ ਵੱਧ ਗਲੀ ਵੱਲ ਕੀਤੇ ਜਾ ਰਹੇ ਨਾਜਾਇਜ਼ ਕਬਜ਼ੇ ਨੂੰ ਰੁਕਵਾਉਣ ਲਈ ਮੁਹੱਲਾ ਵਾਸੀਆਂ ਵੱਲੋਂ ਨਗਰ ਕੌਂਸਲ ਨੂੰ ਇਕ ਪੱਤਰ ਲਿਖਿਆ ਗਿਆ ਹੈ। ਮੁਹੱਲਾ ਵਾਸੀਆਂ ਭਰਪੂਰ ਸਿੰਘ ਧੀਮਾਨ, ਹਰਮਿੰਦਰ ਸਿੰਘ, ਗੁਰਜੀਤ ਸਿੰਘ, ਵਿਕਾਸ ਕੁਮਾਰ, ਐਚਐਸ ਧੀਮਾਨ, ਹਰੀ ਓਮ ਸ਼ਰਮਾ, ਕਮਲਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਮੁਹੱਲੇ ਵਿੱਚ ਇੱਕ ਪਰਿਵਾਰ ਵੱਲੋਂ ਨਵੇਂ ਮਕਾਨ ਦੀ ਉਸਾਰੀ ਦੌਰਾਨ ਮੁਹੱਲੇ ਵਿੱਚ ਪੁਰਾਣੇ ਸਮੇਂ ਤੋਂ ਨਕਸ਼ੇ ਦੌਰਾਨ 20 ਫੁੱਟ ਦਾ ਰਸਤਾ ਦਿਖਾਇਆ ਗਿਆ ਹੈ। ਪਰ ਮਕਾਨ ਮਾਲਕਾਂ ਵੱਲੋਂ ਗਲੀ ਵਾਲੀ ਥਾਂ ਉੱਤੇ ਹੀ ਨਾਜਾਇਜ਼ ਕਬਜ਼ਾ ਕੀਤਾ ਜਾ ਰਿਹਾ ਹੈ। ਨਗਰ ਕੌਂਸਲ ਦੇ ਅਧਿਕਾਰੀ ਨੇ ਕਿਹਾ ਕਿ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
Advertisement
Advertisement
Advertisement