ਅਨਾਜ ਮੰਡੀ ਜੰਡਸਰ ਤੱਕ ਪੱਕੀ ਸੜਕ ਬਣਾਉਣ ਦੀ ਮੰਗ

ਪੱਤਰ ਪ੍ਰੇਰਕ

ਸ਼ਹਿਣਾ, 6 ਜੂਨ

ਪਿੰਡ ਧਰਮਪੁਰਾ, ਮੌੜ ਮਕਸੂਥਾ ਅਤੇ ਜੰਡਸਰ ਦੀ ਅਨਾਜ ਮੰਡੀ ਸਾਂਝੀ ਹੈ ਪਰ ਇਸ ਅਨਾਜ ਮੰਡੀ ਨੂੰ ਪਿਛਲੇ 10 ਸਾਲਾਂ ਤੋਂ ਪੱਕੀ ਸੜਕ ਨਸੀਬ ਨਹੀਂ ਹੋਈ। ਮੰਡੀ ਦੇ ਸੀਜ਼ਨ ‘ਚ ਤਾਂ ਇਹ ਦਿੱਕਤ ਹੋਰ ਵੀ ਵਧ ਜਾਂਦੀ ਹੈ। 2013 ‘ਚ ਅਕਾਲੀ ਸਰਕਾਰ ਸਮੇਂ ਇਨ੍ਹਾਂ ਤਿੰਨਾਂ ਪਿੰਡਾਂ ਦੀ ਸਾਂਝੀ ਸ਼ਾਮਲਾਟ ਜ਼ਮੀਨ ‘ਤੇ 66 ਕੇ.ਵੀ. ਬਿਜਲੀ ਗਰਿੱਡ ਅਤੇ ਦਾਣਾ ਮੰਡੀ ਬਣਾਈ ਗਈ। ਪਿੰਡ ਮੌੜ ਮਕਸੂਥਾ ਦੇ ਸਰਪੰਚ ਰੂਪ ਸਿੰਘ, ਪਿੰਡ ਜੰਡਸਰ ਦੇ ਸਰਪੰਚ ਬਲਵੀਰ ਸਿੰਘ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਇਸ ਸੜਕ ਨੂੰ ਪਹਿਲ ਦੇ ਆਧਾਰ ‘ਤੇ ਬਣਾਇਆ ਜਾਵੇ।