ਫੜਾਂ ਦੀ ਦਿੱਕਤ ਸਬੰਧੀ ਆੜ੍ਹਤੀਆਂ ਵੱਲੋਂ ਚੇਅਰਮੈਨ ਨੂੰ ਮੰਗ ਪੱਤਰ
10:15 AM Sep 15, 2024 IST
ਪੱਤਰ ਪ੍ਰੇਰਕ
ਲਹਿਰਾਗਾਗਾ, 14 ਸਤੰਬਰ
ਝੋਨੇ ਦੇ ਆ ਰਹੇ ਸੀਜ਼ਨ ਨੂੰ ਮੱਦੇ ਨਜ਼ਰ ਰੱਖਦਿਆਂ ਆੜ੍ਹਤੀਆਂ ਨੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਡਾ. ਸ਼ੀਸ਼ਪਾਲ ਆਨੰਦ ਨੂੰ ਝੋਨਾ ਸੁੱਟਣ ਲਈ ਫੜਾਂ ਸਬੰਧੀ ਆ ਰਹੀਆਂ ਦਿੱਕਤਾਂ ਨੂੰ ਲੈ ਕੇ ਮੰਗ ਪੱਤਰ ਦਿੱਤਾ। ਇਸ ਮੌਕੇ ਆੜ੍ਹਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਜੀਵਨ ਰੱਬੜ ,ਪ੍ਰੈੱਸ ਸਕੱਤਰ ਸ਼ੰਭੂ ਗੋਇਲ, ਆਪ ਪਾਰਟੀ ਦੇ ਆਗੂ ਅਜੇ ਕੁਮਾਰ ਠੋਲੀ, ਧਰਮਪਾਲ ਗੱਟੀ, ਰਜਿੰਦਰ ਕੁਮਾਰ ਠੋਲੂ ਅਤੇ ਰਿੰਕੂ ਹਰਿਆਊ ਵਾਲੇ ਨੇ ਮੰਗ ਪੱਤਰ ਦੇਣ ਉਪਰੰਤ ਚੇਅਰਮੈਨ ਨੂੰ ਦੱਸਿਆ ਕਿ ਸਥਾਨਕ ਅਨਾਜ ਮੰਡੀ ਵਿੱਚ ਕਿਸਾਨਾਂ ਦਾ ਝੋਨਾ ਸਟਾਉਣ ਲਈ ਕਈ ਆੜ੍ਹਤੀਆਂ ਕੋਲ ਫੜ੍ਹ ਨਹੀਂ ਹੈ ਜਦੋਂ ਕਿ ਦੂਜੇ ਪਾਸੇ ਕਈ ਆੜ੍ਹਤੀਆਂ ਕੋਲ ਬਹੁਤ ਵੱਡੇ ਫੜ੍ਹ ਹਨ। ਚੇਅਰਮੈਨ ਡਾ. ਆਨੰਦ ਨੇ ਕਿਹਾ ਕਿ ਉਹ ਵਿਧਾਇਕ ਬਰਿੰਦਰ ਗੋਇਲ ਦੇ ਧਿਆਨ ’ਚ ਲਿਆ ਕੇ ਮਸਲਾ ਜਲਦੀ ਹੱਲ ਕਰਨ ਦੀ ਕੋਸ਼ਿਸ਼ ਕਰਨਗੇ।
Advertisement
Advertisement