ਡੀਏਵੀ ਸਕੂਲ ਵਿੱਚ ਵਾਦ-ਵਿਵਾਦ ਮੁਕਾਬਲਾ

ਮਾਨਸਾ:

ਡੀਏਵੀ ਸਕੂਲ ਮਾਨਸਾ ਵਿੱਚ ਗਿਆਰਵੀਂ ਅਤੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਵਾਦ-ਵਿਵਾਦ ਮੁਕਾਬਲਾ ਕਰਵਾਇਆ ਗਿਆ, ਜਿਸ ਵਿੱਚ 11ਵੀਂ ਜਮਾਤ ਦੇ 10 ਅਤੇ 12ਵੀਂ ਜਮਾਤ ਦੇ 11 ਵਿਦਿਆਰਥੀਆਂ ਨੇ ਭਾਗ ਲਿਆ। ਸਕੂਲ ਪ੍ਰਿੰਸੀਪਲ ਵਿਨੋਦ ਰਾਣਾ ਨੇ ਦੱਸਿਆ ਕਿ 11ਵੀਂ ਜਮਾਤ ਲਈ ਬਹਿਸ ਮੁਕਾਬਲੇ ਦਾ ਵਿਸ਼ਾ ਸੀ ‘ਇੱਜ਼ ਸੋਸ਼ਲ ਮੀਡੀਆ ਗਿਵਿੰਗ ਯੂ ਬਰਾਈਟ ਰੋਟ’ ਅਤੇ 12ਵੀਂ ਜਮਾਤ ਲਈ ’ਡਜ਼ ਮਨੀ ਮੇਕ ਅਸ ਹੈਪੀਅਰ’ ਰੱਖਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਮੁਕਾਬਲੇ ਦੌਰਾਨ 11ਵੀਂ ਜਮਾਤ ਦੇ ਵਿਦਿਆਰਥੀ ਚੰਦ ਅਤੇ 12ਵੀਂ ਜਮਾਤ ਦੇ ਕੀਰਤੀ ਜੇਤੂ ਰਹੇ ਅਤੇ ਟਰਾਫ਼ੀਆਂ ਦੇਕੇ ਸਨਮਾਨਿਤ ਕੀਤਾ ਗਿਆ। -ਪੱਤਰ ਪ੍ਰੇਰਕ