ਕੋਲਾ ਖਾਣ ਹਾਦਸੇ ’ਚ ਮ੍ਰਿਤਕਾਂ ਦੀ ਗਿਣਤੀ ਵਧ ਕੇ 11 ਹੋਈ

ਕਰਾਚੀ, 12 ਜਨਵਰੀ
ਬਲੋਚਿਸਤਾਨ ਸੂਬੇ ਦੇ ਕੋਇਟਾ ’ਚ ਸੰਜਦੀ ਇਲਾਕੇ ’ਚ ਕੋਲਾ ਖਾਣ ਹਾਦਸੇ ’ਚ ਹੁਣ ਤੱਕ ਮੌਤਾਂ ਦੀ ਗਿਣਤੀ ਵਧ ਕੇ 11 ਹੋ ਗਈ ਹੈ। ਕੋਲਾ ਖਾਣ ’ਚ ਮੀਥੇਨ ਗੈਸ ਲੀਕ ਹੋਣ ਮਗਰੋਂ ਹੋਏ ਧਮਾਕੇ ’ਚ ਮਾਰੇ ਗਏ ਸੱਤ ਹੋਰ ਵਿਅਕਤੀਆਂ ਦੀਆਂ ਲਾਸ਼ਾਂ ਬਰਾਮਦ ਹੋਈਆਂ ਹਨ। ਅਧਿਕਾਰੀਆਂ ਮੁਤਾਬਕ ਕੋਲਾ ਖਾਣ ’ਚ 12 ਮਜ਼ਦੂਰ ਫਸ ਗਏ ਸਨ। ਬਚਾਅ ਵਰਕਰਾਂ ਵੱਲੋਂ ਇਕ ਹੋਰ ਮਜ਼ਦੂਰ ਦੀ ਭਾਲ ਕੀਤੀ ਜਾ ਰਹੀ ਹੈ। ਮਾਈਨਿੰਗ ਵਿਭਾਗ ਦੇ ਮੁਖੀ ਅਬਦੁੱਲਾ ਸ਼ਵਾਨੀ ਨੇ ਕਿਹਾ ਕਿ ਆਖਰੀ ਮਜ਼ਦੂਰ ਦੇ ਬਚਣ ਦੀ ਘੱਟ ਹੀ ਆਸ ਹੈ। ਹਾਦਸੇ ਦੀ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ। ਖਾਣ ਵਰਕਰਾਂ ਦੀ ਐਸੋਸੀਏਸ਼ਨ ਦੇ ਆਗੂ ਪੀਰ ਮੁਹੰਮਦ ਕਾਕਰ ਨੇ ਖਾਣ ਮਾਲਕਾਂ ਅਤੇ ਅਧਿਕਾਰੀਆਂ ਖ਼ਿਲਾਫ਼ ਨੇਮਾਂ ਦੀ ਵਰਤੋਂ ਨਾ ਕਰਨ ਲਈ ਉਨ੍ਹਾਂ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕੀਤੀ ਹੈ। -ਪੀਟੀਆਈ