ਨਸ਼ੇ ਦੀ ਓਵਰਡੋਜ਼ ਕਾਰਨ ਨੌਜਵਾਨ ਦੀ ਮੌਤ
08:41 AM Jul 23, 2024 IST
ਪੱਤਰ ਪ੍ਰੇਰਕ
ਕੁੱਪ ਕਲਾਂ, 22 ਜੁਲਾਈ
ਨੇੜਲੇ ਪਿੰਡ ਬਾਲੇਵਾਲ ਦੇ ਨੌਜਵਾਨ ਕਮਲਵੀਰ ਸਿੰਘ (27) ਦੀ ਨਸ਼ੇ ਦੀ ਓਵਰਡੋਜ਼ ਕਾਰਨ ਮੌਤ ਹੋ ਗਈ। ਉਸ ਦੀ ਲਾਸ਼ ਲੁਧਿਆਣਾ-ਮਾਲੇਰਕੋਟਲਾ ਮੁੱਖ ਮਾਰਗ ਤੋਂ ਮਿਲੀ ਹੈ। ਮ੍ਰਿਤਕ ਦੇ ਦਾਦਾ ਪ੍ਰੀਤਮ ਸਿੰਘ ਨੇ ਦੱਸਿਆ ਕਿ ਕੁਝ ਵਰ੍ਹੇ ਪਹਿਲਾਂ ਕਮਲਵੀਰ ਦੀ ਜ਼ਮੀਨ ਦਾ ਕੁਝ ਹਿੱਸਾ ਨਵੇਂ ਬਣ ਰਹੇ ਦਿੱਲੀ ਜੰਮੂ ਕਟੜਾ ਐੱਕਸਪ੍ਰੈੱਸਵੇਅ ਅਧੀਨ ਆ ਗਿਆ ਸੀ ਤੇ ਉਸ ਜ਼ਮੀਨ ਬਦਲੇ ਮਿਲੇ ਪੈਸਿਆਂ ਨਾਲ ਕਮਲਵੀਰ ਨੇ ਨਸ਼ਾ ਕਰਨਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਬੀਤੇ ਦਿਨ 6 ਕੁ ਵਜੇ ਕਮਲਵੀਰ ਘਰੋਂ ਚਲਾ ਗਿਆ ਤੇ ਕਰੀਬ 7 ਵਜੇ ਲੁਧਿਆਣਾ-ਮਾਲੇਰਕੋਟਲਾ ਮੁੱਖ ਮਾਰਗ ’ਤੇ ਹਿਨਾ ਹਵੇਲੀ ਕੋਲ ਨਸ਼ੇ ਦੀ ਹਾਲਤ ’ਚ ਬੇਹੋਸ਼ ਮਿਲਿਆ, ਜਿਥੇ ਉਸ ਕੋਲ ਇੱਕ ਸਰਿੰਜ ਪਈ ਸੀ। ਹਸਪਤਾਲ ਲਿਜਾਣ ’ਤੇ ਡਾਕਟਰਾਂ ਨੇ ਕਮਲਵੀਰ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ।
Advertisement
Advertisement
Advertisement