ਨਸ਼ੇ ਦੀ ਓਵਰਡੋਜ਼ ਕਾਰਨ ਵਿਅਕਤੀ ਦੀ ਮੌਤ

ਪੱਤਰ ਪ੍ਰੇਰਕ
ਤਰਨ ਤਾਰਨ, 7 ਫਰਵਰੀ
ਪਿੰਡ ਅਲਾਦੀਨਪੁਰ ਵਿੱਚ ਲੰਘੇ ਦਿਨ ਨਸ਼ੇ ਦੀ ਓਵਰਡੋਜ਼ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ| ਮ੍ਰਿਤਕ ਦੀ ਪਛਾਣ ਜੱਜਬੀਰ ਸਿੰਘ (30) ਪੁੱਤਰ ਫ਼ਤਿਹ ਸਿੰਘ ਵਾਸੀ ਅਲਾਦੀਨਪੁਰ ਵਜੋਂ ਹੋਈ ਹੈ| ਪਰਿਵਾਰ ਨੂੰ ਜੱਜਬੀਰ ਦੀ ਲਾਸ਼ ਨੇੜਲੇ ਪਿੰਡ ਜੋਧਪੁਰ ’ਚੋਂ ਮਿਲੀ| ਇਸ ਸਬੰਧੀ ਥਾਣਾ ਸਦਰ ਤਰਨ ਤਾਰਨ ਦੀ ਪੁਲੀਸ ਨੇ ਮ੍ਰਿਤਕ ਦੀ ਮਾਂ ਬਲਜੀਤ ਕੌਰ ਦੇ ਬਿਆਨਾਂ ’ਤੇ ਜੋਧਪੁਰ ਵਾਸੀ ਕਰਮਜੀਤ ਕੌਰ ਖ਼ਿਲਾਫ਼ ਦਫ਼ਾ 304 ਅਧੀਨ ਕੇਸ ਦਰਜ ਕੀਤਾ ਹੈ| ਬਲਜੀਤ ਕੌਰ ਨੇ ਪੁਲੀਸ ਨੂੰ ਦੱਸਿਆ ਕਿ ਉਕਤ ਔਰਤ ਨੇ ਉਸ ਦੇ ਲੜਕੇ ਨੂੰ ਨਸ਼ਾ ਦਿੱਤਾ ਸੀ ਜਿਸ ਦਾ ਟੀਕਾ ਲਾਉਣ ਕਾਰਨ ਜੱਜਬੀਰ ਸਿੰਘ ਦੀ ਮੌਤ ਹੋ ਗਈ| ਜੱਜਬੀਰ ਸਿੰਘ ਕੋਲ ਇੱਕ ਏਕੜ ਜ਼ਮੀਨ ਹੈ ਅਤੇ ਉਸ ਦੀ ਪਤਨੀ ਉਸਨੂੰ ਛੱਡ ਕੇ ਆਪਣੇ ਤਿੰਨ ਸਾਲ ਦੇ ਪੁੱਤ ਨੂੰ ਲੈ ਕੇ ਪੇਕੇ ਚਲੀ ਗਈ ਸੀ|