ਐੱਮਬੀਬੀਐੱਸ ਵਿਦਿਆਰਥੀ ਦੀ ਸ਼ੱਕੀ ਹਾਲਤ ’ਚ ਮੌਤ
07:15 AM Oct 07, 2024 IST
ਸ਼ਾਹਜਹਾਂਪੁਰ: ਇਥੋਂ ਦੇ ਵਰੁਣ ਅਰਜੁਨ ਮੈਡੀਕਲ ਕਾਲਜ ਦੇ ਕੈਂਪਸ ’ਚ ਐੱਮਬੀਬੀਐੱਸ ਦੇ ਦੂਜੇ ਵਰ੍ਹੇ ਦੇ ਵਿਦਿਆਰਥੀ ਦੀ ਸ਼ੱਕੀ ਹਾਲਤ ’ਚ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਗੋਰਖਪੁਰ ਵਾਸੀ ਕੁਸ਼ਾਗਰ ਪ੍ਰਤਾਪ ਸਿੰਘ (24) ਵਜੋਂ ਹੋਈ ਹੈ। ਕਾਲਜ ਦੇ ਪ੍ਰਿੰਸੀਪਲ ਕਰਨਲ (ਸੇਵਾਮੁਕਤ) ਡਾਕਟਰ ਰਵਿੰਦਰ ਨਾਥ ਸ਼ੁਕਲਾ ਨੇ ਦੱਸਿਆ ਕਿ ਉਸ ਦੀ ਲਾਸ਼ ਹੋਸਟਲ ਦੇ ਪਿਛਲੇ ਹਿੱਸੇ ’ਚ ਮਿਲੀ। ਐੱਸਪੀ ਰਾਜੇਸ਼ ਨੇ ਕਿਹਾ ਕਿ ਵਿਦਿਆਰਥੀ ਹੋਸਟਲ ਦੀ ਗਰਾਊਂਡ ਫਲੋਰ ’ਤੇ ਰਹਿੰਦਾ ਸੀ। ਉਨ੍ਹਾਂ ਕਿਹਾ ਕਿ ਮੁੱਢਲੇ ਤੌਰ ’ਤੇ ਜਾਪਦਾ ਹੈ ਕਿ ਉਹ ਜਾਂ ਤੋਂ ਉਪਰੋਂ ਡਿੱਗਿਆ ਹੈ ਜਾਂ ਕਿਸੇ ਨੇ ਉਸ ਨੂੰ ਧੱਕਾ ਮਾਰਿਆ ਹੈ। ਪੁਲੀਸ ਨੇ ਲਾਸ਼ ਪੋਸਟਮਾਰਟਮ ਲਈ ਭੇਜ ਕੇ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ। -ਪੀਟੀਆਈ
Advertisement
Advertisement