ਰੰਗਮੰਚ ਨਾਲ ਜੁੜੀ ਕ੍ਰਿਸ਼ਨਾ ਧਾਰੀਵਾਲ ਦਾ ਦੇਹਾਂਤ

ਪੰਚਕੂਲਾ: ਰੰਗਮੰਚ ਨਾਲ ਤਿੰਨ ਦਹਾਕਿਆਂ ਤੋਂ ਜੁੜੀ ਕ੍ਰਿਸ਼ਨਾ ਧਾਰੀਵਾਲ ਦਾ ਬੀਤੀ ਰਾਤ ਦੇਹਾਂਤ ਹੋ ਗਿਆ। ਉਹ ਕਈ ਦਿਨਾਂ ਤੋਂ ਪੀਜੀਆਈ ਚੰਡੀਗੜ੍ਹ ਜ਼ੇਰੇ ਇਲਾਜ ਸਨ। ਉਹ 30 ਸਾਲਾਂ ਤੋਂ ਨਾਟਕ ਨਿਰਦੇਸ਼ਕ ਤੇ ਫਿਲਮ ਕਲਾਕਾਰ ਆਪਣੇ ਪਤੀ ਸੋਹਣ ਧਾਰੀਵਾਲ ਨਾਲ ਮਿਲ ਕੇ ਪ੍ਰਬੰਧਕੀ ਜ਼ਿੰਮੇਵਾਰੀਆਂ ਨਿਭਾਉਂਦੀ ਰਹੀ। ਉਹ 73 ਵਰ੍ਹਿਆਂ ਦੇ ਸਨ। ਅੱਜ ਕ੍ਰਿਸ਼ਨਾ ਧਾਰੀਵਾਲ ਦਾ ਸਸਕਾਰ ਮੰਡੀ ਗੋਬਿੰਦਗੜ੍ਹ ਵਿੱਚ ਕੀਤਾ ਗਿਆ। ਇਸ ਦੌਰਾਨ ਰਿਸ਼ਤੇਦਾਰਾਂ ਤੋਂ ਇਲਾਵਾ ਵੱਡੀ ਗਿਣਤੀ ਰੰਗਮੰਚ ਨਾਲ ਜੁੜੇ ਕਲਾਕਾਰ ਤੇ ਬੁੱਧੀਜੀਵੀ ਪਹੁੰਚੇ ਸਨ। ਸਮਾਜ ਭਲਾਈ ਸੰਸਥਾਵਾਂ ਤੇ ਰੰਗਮੰਚ ਨਾਲ ਜੁੜੀਆਂ ਸੰਸਥਾਵਾਂ ਵੱਲੋਂ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ। -ਪੱਤਰ ਪ੍ਰੇਰਕ