ਪਾਣੀ ’ਚ ਡੁੱਬਣ ਕਾਰਨ ਪਿਉ-ਪੁੱਤ ਦੀ ਮੌਤ

ਸਿਡਨੀ (ਗੁਰਚਰਨ ਸਿੰਘ ਕਾਹਲੋਂ): ਗੋਲਡ ਕੋਸਟ ਸ਼ਹਿਰ ਵਿੱਚ ਬਹੁਮੰਜ਼ਲਾ ਹੋਟਲ ਦੀ ਛੱਤ ’ਤੇ ਬਣੇ ਸਵਿਮਿੰਗ ਪੂਲ ਨੇੜੇ ਖੇਡ ਰਹੀ ਦੋ ਸਾਲਾ ਬੱਚੀ ਨੂੰ ਬਚਾਉਣ ਲਈ ਪੂਲ ’ਚ ਉੱਤਰੇ ਪਿਓ-ਪੁੱਤ ਦੀ ਮੌਤ ਹੋ ਗਈ। ਬੱਚੀ ਪੈਰ ਤਿਲਕਣ ਕਾਰਨ ਪੂਲ ਵਿੱਚ ਡਿੱਗ ਗਈ। ਉਸ ਨੂੰ ਬਚਾਉਣ ਲਈ ਉਸ ਦੇ ਮਾਤਾ-ਪਿਤਾ ਤੇ ਦਾਦੇ ਨੇ ਪੂਲ ਵਿੱਚ ਛਾਲ ਮਾਰ ਦਿੱਤੀ। ਪਿਤਾ ਧਰਮਵੀਰ ਸਿੰਘ ਰੰਧਾਵਾ (38) ਤੇ ਦਾਦਾ ਗੁਰਜਿੰਦਰ ਸਿੰਘ (65) ਨੂੰ ਤੈਰਨਾ ਨਾ ਆਉਂਦਾ ਹੋਣ ਕਾਰਨ ਉਨ੍ਹਾਂ ਦੀ ਪਾਣੀ ਵਿੱਚ ਡੁੱਬਣ ਕਾਰਨ ਮੌਤ ਹੋ ਗਈ।