ਕਰੰਟ ਲੱਗਣ ਕਾਰਨ ਮਜ਼ਦੂਰ ਦੀ ਮੌਤ

ਪੱਤਰ ਪ੍ਰੇਰਕ

ਟੋਹਾਣਾ, 29 ਅਕਤੂਬਰ

ਪਿੰਡ ਨਾਂਗਲਾ ਵਿੱਚ ਕੋਠੀ ਨੂੰ ਰੰਗ ਰੋਗਨ ਕਰਦੇ ਸਮੇਂ ਪਿੰਡ ਅੱਕਾਂਵਾਲੀ ਦੇ ਮਜ਼ਦੂਰ ਕੁਲਦੀਪ ਦੀ ਕਰੰਟ ਲੱਗਣ ਨਾਲ ਮੌਤ ਹੋ ਗਈ। ਮ੍ਰਿਤਕ ਦੇ ਸਾਥੀ ਮਜ਼ਦੂਰ ਪਰਮਜੀਤ ਨੇ ਦੱਸਿਆ ਕਿ ਕੁਲਦੀਪ ਮਕਾਨ ਦੀ ਛੱਤ ’ਤੇ ਗਿਆ ਤੇ ਫ਼ਿਰ ਪਾਣੀ ਵਾਲੀ ਟੈਂਕੀ ’ਤੇ ਜਾ ਚੜ੍ਹਿਆ। ਇਸ ਦੌਰਾਨ ਉਹ ਉਪਰੋਂ ਲੰਘਦੀ ਗਿਆਰਾ ਹਜ਼ਾਰ ਵੋਲਟ ਦੀਆਂ ਤਾਰਾਂ ਨਾਲ ਅਚਾਨਕ ਖਹਿ ਗਿਆ ਜਿਸ ਕਾਰਨ ਹਾਦਸਾ ਵਾਪਰ ਗਿਆ। ਜ਼ਖ਼ਮੀ ਮਜ਼ਦੂਰ ਨੂੂੰ ਸਰਕਾਰੀ ਹਸਪਤਾਲ ਭਰਤੀ ਕਰਵਾਇਆ ਗਿਆ ਜਿੱਥੇ ਥੋੜ੍ਹੀ ਦੇਰ ਬਾਅਦ ਉਸ ਦੀ ਮੌਤ ਹੋ ਗਈ।

16 ਮੋਟਰਸਾਈਕਲ ਬਰਾਮਦ: ਇਥੋਂ ਦੀ ਪੁਲੀਸ ਨੇ ਐਮ.ਪੀ.ਰੋਹੀ ਦੇ ਇਕ ਨੌਜਵਾਨ ਮੁਕੇਸ਼ ਨੂੰ ਚੋਰੀ ਦੇ ਮੋਟਰਸਾਈਕਲਾਂ ਸਣੇ ਕਾਬੂ ਕੀਤਾ ਹੈ ਜਿਸ ਦੇ ਕਬਜ਼ੇ ਵਿੱਚੋ 16 ਚੋਰੀ ਦੇ ਬਾਈਕ ਬਰਾਮਦ ਕੀਤੇ ਗਏ ਹਨ।