ਕੈਂਟਰ ਦੀ ਲਪੇਟ ’ਚ ਆਉਣ ਕਾਰਨ ਵਿਅਕਤੀ ਦੀ ਮੌਤ

ਪੱਤਰ ਪ੍ਰੇਰਕ
ਟੋਹਾਣਾ, 15 ਜੁਲਾਈ
ਕੌਮੀ ਸੜਕ-9 ’ਤੇ ਪੰਕਚਰ ਗੱਡੀ ਦਾ ਟਾਇਰ ਬਦਲਦੇ ਸਮੇਂ ਪਿੱਛੋਂ ਆ ਰਹੇੇ ਕੈਂਟਰ ਦੀ ਫੇਟ ਵੱਜਣ ਕਾਰਨ ਚਾਲਕ ਸੰਦੀਪ ਜ਼ਖ਼ਮੀ ਹੋ ਗਿਆ, ਜਿਸ ਨੂੰ ਹਸਪਤਾਲ ਲਿਆਂਦਾ ਗਿਆ ਤਾਂ ਉਥੇ ਕੁਝ ਦੇਰ ਬਾਦ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਪਿੰਡ ਬੁਟਾਨੀ (ਜੀਂਦ) ਦਾ ਰਹਿਣ ਵਾਲਾ ਸੀ। ਮ੍ਰਿਤਕ ਦੇ ਭਰਾ ਜਗਦੀਪ ਦੀ ਸ਼ਿਕਾਇਤ ’ਤੇ ਅਣਪਛਾਤੇ ਕੈਂਟਰ ਚਲਾਕ ਵਿਰੁੱਧ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਕਿਹਾ ਗਿਆ ਹੈ ਕਿ ਸੰਦੀਪ ਪਿੰਡ ਚਾਹਰਵਾਲਾ (ਫਤਿਹਾਬਾਦ) ਤੋਂ ਮੁਰਗੇ ਭਰਕੇ ਦਿੱਲੀ ਜਾ ਰਿਹਾ ਸੀ ਕਿ ਹਿਸਾਰ ਕੈਂਟ ਕੋਲ ਟਾਇਰ ਪੰਕਚਰ ਹੋਣ ’ਤੇ ਉਹ ਟਾਇਰ ਬਦਲ ਰਿਹਾ ਸੀ। ਪਿੱਛੋਂ ਆਏ ਤੇਜ਼ ਰਫ਼ਤਾਰ ਕੈਂਟਰ ਵੱਲੋਂ ਟੱਕਰ ਮਾਰ ਦੇਣ ’ਤੇ ਮੌਤ ਹੋਈ ਹੈ। ਪੁਲੀਸ ਮਾਮਲੇ ਦੀ ਪੜਤਾਲ ਕਰ ਰਹੀ ਹੈ।