ਸਾਹਿਤ ਕਲਾ ਮੰਚ ਵੱਲੋਂ ਦਰਸ਼ਨ ਮਿੱਠਾ ਦਾ ਸਨਮਾਨ

ਰਾਜਪੁਰਾ (ਪਟਿਆਲਾ):

ਰੋਟਰੀ ਭਵਨ ਰਾਜਪੁਰਾ ਵਿਖੇ ਸਾਹਿਤ ਕਲਾ ਮੰਚ ਵੱਲੋਂ ਡਾ. ਹਰਜੀਤ ਸਿੰਘ ਸੱਧਰ ਦੀ ਪ੍ਰਧਾਨਗੀ ਹੇਠ ਮੀਟਿੰਗ ਕੀਤੀ ਗਈ। ਇਸ ਦੌਰਾਨ ਸਾਹਿਤਕਾਰਾਂ ਨੇ ਪ੍ਰੈੱਸ ਕਲੱਬ ਰਾਜਪੁਰਾ ਦੇ ਨਵੇਂ ਬਣੇ ਪ੍ਰਧਾਨ ਦਰਸ਼ਨ ਸਿੰਘ ਮਿੱਠਾ ਦਾ ਸਨਮਾਨ ਕੀਤਾ ਅਤੇ ਰਚਨਾਵਾਂ ਨਾਲ ਰੰਗ ਬੰਨ੍ਹਿਆ। ਇਸ ਮੌਕੇ ਡਾ. ਹਰਜੀਤ ਸੱਧਰ ਅਤੇ ਹਰਜਿੰਦਰ ਕੌਰ ਸੱਧਰ ਨੇ ਦਰਸ਼ਨ ਮਿੱਠਾ ਨੂੰ ਪ੍ਰਧਾਨ ਚੁਣੇ ਜਾਣ ’ਤੇ ਵਧਾਈਆਂ ਦਿੱਤੀਆਂ। ਗੁਰਮੋਹਨ ਸੰਧਾਰਸੀ ਤੇ ਅਵਤਾਰ ਪੁਆਰ ਨੇ ਲੰਘੀਆਂ ਚੋਣਾਂ ’ਤੇ ਚੋਟ ਕਰਦੀਆਂ ਗ਼ਜ਼ਲਾਂ ਸੁਣਾਈਆਂ। ਕੁਲਵੰਤ ਜੱਸਲ ਨੇ ਨਿਰਪੱਖ ਪੱਤਰਕਾਰੀ ’ਤੇ ਗੀਤ, ਮੁਨੀਸ਼ ਤੂਰ ਨੇ ਵਿਦੇਸ਼ ਜਾਣ ਦੀ ਹੋੜ ’ਤੇ ਆਪਣੀ ਗੱਲ ਆਖੀ। ਇਸ ਮੌਕੇ ਸੇਵਾਮੁਕਤ ਜੇਈ ਨਛੱਤਰ ਸਿੰਘ ਸਮੇਤ ਪਰਮਵੀਰ ਸਿੰਘ, ਕੋਮਲਦੀਪ ਸਿੰਘ ਤੇ ਦਿਲਸ਼ੈਨਜੋਤ ਕੌਰ ਨੇ ਵੀ ਸ਼ਿਰਕਤ ਕੀਤੀ। ਖੇਤਰੀ ਪ੍ਰਤੀਨਿਧ