ਦਰਗਾਹ ਬਾਬਾ ਹੈਦਰ ਸ਼ੇਖ ਦੇ ਗੱਦੀਨਸ਼ੀਨ ਵੱਲੋਂ ਮੇਲੇ ’ਚ ਨਾ ਆਉਣ ਦੀ ਅਪੀਲ

ਨਿੱਜੀ ਪੱਤਰ ਪ੍ਰੇਰਕ

ਮਾਲੇਰਕੋਟਲਾ, 28 ਜੂਨ

ਮੁਸਲਿਮ ਭਾਈਚਾਰੇ ਦੇ ਤਿਉਹਾਰ ਈਦ-ਉਲ-ਜ਼ੁਹਾ ਅਤੇ ਸ਼ੇਖ ਸਦਰੂਦੀਨ ਸਦਰੇ ਜਹਾਂ (ਬਾਬਾ ਹੈਦਰ ਸ਼ੇਖ) ਦੀ ਦਰਗਾਹ ‘ਤੇ ਵੀਰਵਾਰ ਨੂੰ ਲੱਗਣ ਵਾਲਾ ਮੇਲਾ ਇੱਕੋ ਦਿਨ ਆਉਣ ਕਾਰਨ ਦਰਗਾਹ ਦੇ ਗੱਦੀਨਸ਼ੀਨ ਮਜ਼ੌਰ ਅਜ਼ਮਤ ਅਲੀ ਖਾਂ ਨੇ ਬਾਹਰੋਂ ਆਉਣ ਵਾਲੇ ਯਾਤਰੀਆਂ ਨੂੰ ਅਹਿਤਿਹਾਤ ਵਜੋਂ ਮੇਲੇ ‘ਚ ਨਾ ਆਉਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਵਾਰ ਵੀਰਵਾਰ ਵਾਲੇ ਦਿਨ ਮੁਸਲਿਮ ਭਾਈਚਾਰੇ ਦਾ ਬਹੁਤ ਵੱਡਾ ਤਿਉਹਾਰ ਹੈ, ਜਿਸ ‘ਚ ਮੁਸਲਿਮ ਭਾਈਚਾਰੇ ਨਾਲ ਸਬੰਧਤ ਲੋਕ ਵੱਖ-ਵੱਖ ਮਸਜਿਦਾਂ ਵਿੱਚ ਨਮਾਜ਼ ਅਦਾ ਕਰਨਗੇ ਅਤੇ ਬਾਹਰੋਂ ਆਉਣ ਵਾਲੇ ਸ਼ਰਧਾਲੂਆਂ ਦਾ ਇਕੱਠ ਹੋਣ ‘ਤੇ ਦਿੱਕਤ ਹੋ ਸਕਦੀ ਹੈ। ਇਸ ਲਈ 29 ਜੂਨ ਨੂੰ ਲੱਗਣ ਵਾਲੇ ਮੇਲੇ ਦੀ ਥਾਂ ਕਿਸੇ ਹੋਰ ਵੀਰਵਾਰ ਲੋਕ ਦਰਗਾਹ ਬਾਬਾ ਹੈਦਰ ਸ਼ੇਖ ‘ਤੇ ਨਤਮਸਤਕ ਹੋਣ।