ਸਾਈਕਲ ਸਵਾਰ ਹਾਦਸੇ ’ਚ ਹਲਾਕ

ਅੰਬਾਲਾ (ਨਿੱਜੀ ਪੱਤਰ ਪ੍ਰੇਰਕ): ਇੱਥੇ ਸਾਈਕਲ ਸਵਾਰ ਵਿਅਕਤੀ ਦੀ ਵੀਰਵਾਰ ਨੂੰ ਕਾਰ ਵੱਲੋਂ ਟੱਕਰ ਮਾਰਨ ਕਰਕੇ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਜਹਾਂਗੀਰਪੁਰ ਪਿੰਡ ਦੇ ਰਾਜ ਕੁਮਾਰ ਵਜੋਂ ਹੋਈ ਹੈ ਤੇ ਉਹ ਟਾਟਾ ਪਾਸਕੋ ਦੋਸੜਕਾ ’ਚ ਕੰਮ ਕਰਦਾ ਸੀ। ਮੁਲਾਣਾ ਪੁਲੀਸ ਨੂੰ ਦਿੱਤੇ ਬਿਆਨ ਵਿਚ ਐੱਮਐੱਮਯੂ ਮੁਲਾਣਾ ਵਿਚ ਬਤੌਰ ਕਲਰਕ ਕੰਮ ਕਰਦੇ ਜਹਾਂਗੀਰਪੁਰ ਪਿੰਡ ਦੇ ਰਾਮ ਗੋਪਾਲ ਨੇ ਦੱਸਿਆ ਕਿ ਉਸ ਦਾ ਭਰਾ ਰਾਜ ਕੁਮਾਰ ਵੀਰਵਾਰ ਸ਼ਾਮ 7.10 ਵਜੇ ਕੰਮ ਤੋਂ ਛੁੱਟੀ ਕਰਕੇ ਸਾਈਕਲ ’ਤੇ ਘਰ ਜਾ ਰਿਹਾ ਸੀ। ਜਦੋਂ ਉਹ ਲੋਹਗੜ੍ਹ ਮਾਜਰੀ ਦੇ ਕੋਲ ਚਾਚਾ-ਭਤੀਜਾ ਢਾਬੇ ਦੇ ਸਾਹਮਣੇ ਨੈਸ਼ਨਲ ਹਾਈਵੇ ’ਤੇ ਪਹੁੰਚਾ ਤਾਂ ਅੰਬਾਲਾ ਵੱਲੋਂ ਜਾ ਰਹੀ ਤੇਜ਼ ਰਫ਼ਤਾਰ ਕਾਰ ਨੇ ਉਸ ਨੂੰ ਪਿੱਛੋਂ ਟੱਕਰ ਮਾਰ ਦਿੱਤੀ ਅਤੇ ਚਾਲਕ ਕਾਰ ਸਣੇ ਫਰਾਰ ਹੋ ਗਿਆ। ਉਹ ਜ਼ਖ਼ਮੀ ਹੋਏ ਰਾਮ ਕੁਮਾਰ ਨੂੰ ਮੁਲਾਣਾ ਮੈਡੀਕਲ ਕਾਲਜ ਲੈ ਕੇ ਪਹੁੰਚਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪੁਲੀਸ ਨੇ ਕੇਸ ਦਰਜ ਕਰ ਕੇ ਮਾਮਲੇ ਦੀ ਜਾਂਚ ਵਿੱਢ ਦਿੱਤੀ ਹੈ।