ਕ੍ਰਿਕਟ: ਪੰਜ ਲੜਕੀਆਂ ਰਾਜ ਪੱਧਰੀ ਟੀਮ ਲਈ ਚੁਣੀਆਂ

ਸ਼ਹਿਣਾ: ਇੱਥੋਂ ਦੇ ਆਰਪੀ ਇੰਟਰਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਦੀ ਕ੍ਰਿਕਟ ਟੀਮ (ਲੜਕੀਆਂ) ਨੇ ਜ਼ਿਲ੍ਹਾ ਪੱਧਰ ’ਤੇ ਦੂਜਾ ਸਥਾਨ ਹਾਸਲ ਕੀਤਾ। ਟੀਮ ਵਿੱਚ ਮਨਜੋਤ ਕੌਰ, ਪ੍ਰਭਜੋਤ ਕੌਰ, ਸੰਦੀਪ ਕੌਰ, ਸੁਖਚਰਨਜੀਤ ਕੌਰ, ਹਰਸ਼ਵੀਰ ਕੌਰ, ਸਿਮਰਨ ਕੌਰ, ਖੁਸ਼ਮੀਤ ਕੌਰ, ਹਸਨਪ੍ਰੀਤ ਕੌਰ, ਚਰਨਵੀਰ ਕੌਰ, ਗਗਨਵੀਰ, ਸੰਦੀਪ ਕੌਰ ਨੇ ਹਿੱਸਾ ਲਿਆ। ਇੰਨਾਂ ਵਿੱਚੋਂ ਪੰਜ ਲੜਕੀਆਂ ਰਾਜ ਪੱਧਰ ’ਤੇ ਹੋਣ ਵਾਲੇ ਟੂਰਨਾਮੈਂਟ ਲਈ ਚੁਣੀਆਂ ਗਈਆਂ। ਸਕੂਲ ਦੇ ਪ੍ਰਿੰਸੀਪਲ ਅਨੁਜ ਸ਼ਰਮਾ ਨੇ ਵਿਦਿਆਰਥਣਾਂ ਅਤੇ ਸਰੀਰਕ ਸਿੱਖਿਆ ਅਧਿਆਪਕ ਰਵਿੰਦਰ ਸਿੰਘ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਸੰਸਥਾ ਦੇ ਚੇਅਰਮੈਨ ਪਵਨ ਕੁਮਾਰ ਧੀਰ, ਵਾਈਸ ਪ੍ਰਿੰਸੀਪਲ ਗੁਰਪ੍ਰੀਤ ਕੌਰ ਸਿੱਧੂ, ਸੀਨੀਅਰ ਕੁਆਰਡੀਨੇਟ ਅੰਜੂ ਸ਼ਰਮਾ ਹਾਜ਼ਰ ਸਨ। -ਪੱਤਰ ਪ੍ਰੇਰਕ