ਅੰਮ੍ਰਿਤਸਰ ਨੇੜੇ ਹਾਦਸੇ ’ਚ ਮਾਰੇ ਗਏ ਦੋ ਨੌਜਵਾਨਾਂ ਦਾ ਸਸਕਾਰ

ਪੱਤਰ ਪ੍ਰੇਰਕ
ਸ਼ਹਿਣਾ, 2 ਨਵੰਬਰ
ਅੰਮ੍ਰਿਤਸਰ ਵਿੱਚ ਦੀਵਾਲੀ ਮੌਕੇ ਮੱਥਾ ਟੇਕਣ ਜਾਂਦੇ ਸਮੇਂ ਹਾਦਸੇ ਵਿੱਚ ਮਾਰੇ ਗਏ ਦੋ ਨੌਜਵਾਨਾਂ ਦਾ ਸ਼ਹਿਣਾ ਵਿੱਚ ਸਸਕਾਰ ਕਰ ਦਿੱਤਾ ਗਿਆ। ਜਾਣਕਾਰੀ ਅਨੁਸਾਰ ਸ਼ਹਿਣਾ ਦੇ ਪੰਜ ਨੌਜਵਾਨ ਕਾਰ ’ਤੇ ਅੰਮ੍ਰਿਤਸਰ ਜਾ ਰਹੇ ਹਨ। ਉਹ ਸ਼ਾਮ ਨੂੰ ਸ਼ਹਿਣਾ ਤੋਂ ਰਵਾਨਾ ਹੋਏ ਅਤੇ ਤਰਨ ਤਾਰਨ ਕੋਲ ਇੱਕ ਪਸ਼ੂ ਉਨ੍ਹਾਂ ਦੀ ਕਾਰ ਅੱਗੇ ਆਉਣ ਕਾਰਨ ਕਾਰ ਇੱਕ ਕੰਧ ਨਾਲ ਟਕਰਾ ਗਈ ਜਿਸ ਕਾਰਨ ਕਾਰ ’ਚ ਸਵਾਰ ਰਣਜੀਤ ਸਿੰਘ ਉਰਫ਼ ਜੀਤੀ (45 ਸਾਲ) ਪੁੱਤਰ ਜੰਗੀਰ ਸਿੰਘ (ਜੋਧੂ ਕੇ) ਅਤੇ ਬਲਜਿੰਦਰ ਦਾਸ ਉਰਫ਼ ਜਿੰਦੀ (50 ਸਾਲ) ਪੁੱਤਰ ਬਖ਼ਸੀ ਰਾਮ ਦੀ ਮੌਤ ਹੋ ਗਈ। ਜਦ ਕਿ ਬਲਦੇਵ ਦਾਸ ਵਾਸੀ ਸ਼ਹਿਣਾ ਦਾ ਚੂਲਾ ਟੁੱਟ ਗਿਆ। ਸ਼ਿੰਦਾ ਸਿੰਘ ਦੀਆਂ ਪਸਲੀਆਂ ਬੈਠ ਗਈਆਂ। ਬਲਦੇਵ ਦਾਸ ਹਸਪਤਾਲ ’ਚ ਦਾਖ਼ਲ ਹੈ ਤੇ ਬੱਗਾ ਸਿੰਘ ਦੇ ਮਾਮੂਲੀ ਸੱਟਾਂ ਹਨ।