ਜਾਅਲੀ ਕਰੰਸੀ: ਔਰਤ ਸਮੇਤ ਤਿੰਨ ਕਾਬੂ

ਡੱਬਵਾਲੀ: ਇੱਥੇ ਘਰ ਵਿੱਚ ਜਾਅਲੀ ਨੋਟ ਛਾਪਣ ਵਾਲੀ ਇੱਕ ਔਰਤ ਸਮੇਤ ਤਿੰਨ ਜਣੇ 51 ਹਜ਼ਾਰ ਰੁਪਏ ਦੀ ਜਾਲੀ ਕਰੰਸੀ ਸਮੇਤ ਪੁਲੀਸ ਅੜਿੱਕੇ ਚੜ੍ਹੇ ਹਨ। ਪੁਲੀਸ ਨੇ ਮੁਲਜ਼ਮਾਂ ਤੋਂ ਦੋ-ਦੋ ਹਜ਼ਾਰ ਰੁਪਏ ਦੇ 25 ਨੋਟ ਅਤੇ ਪੰਜ-ਪੰਜ ਸੌ ਰੁਪਏ ਦੇ ਦੋ ਕਰੰਸੀ ਨੋਟ ਅਤੇ ਰੰਗੀਨ ਪ੍ਰਿੰਟਰ ਅਤੇ ਸਕੈਨਰ ਵੀ ਬਰਾਮਦ ਕੀਤੇ ਹਨ। ਜਾਅਲੀ ਕਰੰਸੀ ਨੋਟ ਛਾਪਣ ਦਾ ਧੰਦਾ ਡੱਬਵਾਲੀ ਦੇ ਵਾਰਡ ਛੇ ਦੀ ਭਗਤ ਸਿੰਘ  ਕਾਲੋਨੀ ਵਿੱਚ ਰੇਖਾ ਰਾਣੀ ਨਾਮਕ ਔਰਤ ਦੇ ਘਰ ਵੱਡੇ ਪੈਮਾਨ ’ਤੇ ਚੱਲ ਰਿਹਾ ਸੀ। ਡੀਐੱਸਪੀ ਕੁਲਦੀਪ ਸਿੰਘ ਬੈਨੀਵਾਲ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਗਗਨਦੀਪ ਵਾਸੀ ਸਕਤਾ ਖੇੜਾ, ਰਵਿੰਦਰ ਉਰਫ ਰੇਦੀ ਵਾਸੀ ਮਿਠੜੀ (ਪੰਜਾਬ) ਅਤੇ ਰੇਖਾ ਰਾਣੀ ਵਾਰਡ 6, ਡੱਬਵਾਲੀ ਵਜੋਂ ਹੋਈ ਹੈ। -ਪੱਤਰ ਪ੍ਰੇਰਕ