ਕੌਂਸਲਰ ਬਲਵਿੰਦਰ ਕੌਰ ਦਾ ਦੇਹਾਂਤ

ਕਰਮਜੀਤ ਸਿੰਘ ਚਿੱਲਾ
ਬਨੂੜ, 23 ਨਵੰਬਰ
ਨਗਰ ਕੌਂਸਲ ਬਨੂੜ ਦੇ ਵਾਰਡ ਨੰਬਰ ਇੱਕ, ਹਵੇਲੀ ਬਸੀ ਦੀ ਕਾਂਗਰਸੀ ਕੌਂਸਲਰ ਬਲਵਿੰਦਰ ਕੌਰ ਦੀ ਬੀਤ ਰਾਤ ਮੌਤ ਹੋ ਗਈ ਹੈ। ਉਹ 43 ਵਰ੍ਹਿਆਂ ਦੇ ਸਨ ਤੇ ਜਿਗਰ ਦੇ ਰੋਗ ਤੋਂ ਪੀੜਤ ਸਨ। ਮ੍ਰਿਤਕਾ ਦੇ ਪਤੀ ਬਲਕਾਰ ਸਿੰਘ ਨੇ ਦੱਸਿਆ ਕਿ ਉਹ ਤਿੰਨ ਚਾਰ ਸਾਲਾਂ ਤੋਂ ਜਿਗਰ ਦੀ ਬਿਮਾਰੀ ਤੋਂ ਪੀੜਤ ਸਨ। ਅੱਜ ਬਨੂੜ ਦੇ ਸ਼ਮਸ਼ਾਨਘਾਟ ਵਿੱਚ ਉਨ੍ਹਾਂ ਦਾ ਸਸਕਾਰ ਕੀਤਾ ਗਿਆ। ਇਸ ਮੌਕੇ ਕਾਂਗਰਸ ਦੇ ਸ਼ਹਿਰੀ ਪ੍ਰਧਾਨ ਕੁਲਵਿੰਦਰ ਸਿੰਘ ਭੋਲਾ, ਨਗਰ ਕੌਂਸਲ ਪ੍ਰਧਾਨ ਜਗਤਾਰ ਸਿੰਘ, ਕੌਂਸਲਰ ਅਵਤਾਰ ਬਬਲਾ, ਸੁਰਿੰਦਰ ਸੋਨੀ ਸੰਧੂ, ਹਰਕੇਸ਼ ਕੇਛੀ, ਆਸ਼ੂ, ਜਸਵੰਤ ਸਿੰਘ ਖਟੜਾ, ਈਓ ਵਰਿੰਦਰ ਜੈਨ, ਅਕਾਲੀ ਆਗੂ ਲਛਮਣ ਸਿੰਘ ਆਦਿ ਹਾਜ਼ਰ ਸਨ। ਸਾਬਕਾ ਕਾਂਗਰਸੀ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਨੇ ਵੀ ਪਾਰਟੀ ਦੀ ਕੌਂਸਲਰ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।