ਕਰੋਨਾ: ਅੰਮ੍ਰਿਤਸਰ ਜ਼ਿਲ੍ਹੇ ਵਿੱਚ 41 ਨਵੇਂ ਕੇਸ, ਇਕ ਮੌਤ

ਟ੍ਰਬਿਿਊਨ ਨਿਊਜ਼ ਸਰਵਿਸ
ਅੰਮ੍ਰਿਤਸਰ, 27 ਜੁਲਾਈ

ਕਰੋਨਾ ਮਹਾਮਾਰੀ ਦੌਰਾਨ ਅੱਜ ਜ਼ਿਲ੍ਹੇ ਵਿਚ 41 ਨਵੇਂ ਕਰੋਨਾ ਪਾਜ਼ੇਟਿਵ ਕੇਸ ਆਏ ਹਨ, ਜਨਿ੍ਹਾਂ ਵਿਚ 11 ਪੁਲੀਸ ਅਤੇ ਜੇਲ੍ਹ ਕਰਮਚਾਰੀ ਸ਼ਾਮਲ ਹਨ। ਇਸ ਦੌਰਾਨ ਇਕ ਕਰੋਨਾ ਪੀੜਤ ਮਰੀਜ਼ ਦੀ ਮੌਤ ਵੀ ਹੋ ਗਈ ਹੈ। ਸਿਹਤ ਵਿਭਾਗ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ ਆਕਾਸ਼ ਐਵੇਨਿਊ ਵਾਸੀ ਰਵਿੰਦਰਜੀਤ ਸਿੰਘ (42) ਦੀ ਅੱਜ ਕਰੋਨਾ ਕਰਕੇ ਦਮ ਤੋੜ ਗਿਆ। ਉਹ ਗੁਰੂ ਨਾਨਕ ਦੇਵ ਹਸਪਤਾਲ ਵਿਚ ਦਾਖਲ ਸੀ। ਉਸ ਦੀ ਮੌਤ ਨਾਲ ਜ਼ਿਲ੍ਹੇ ਵਿਚ ਕਰੋਨਾ ਮਹਾਮਾਰੀ ਕਰਕੇ ਜਹਾਨੋਂ ਕੂਚ ਕਰਨ ਵਾਲਿਆਂ ਦਾ ਅੰਕੜਾ ਵਧ ਕੇ 68 ਹੋ ਗਿਆ ਹੈ। ਜ਼ਿਲ੍ਹੇ ਵਿੱਚ ਕੁਲ ਕਰੋਨਾ ਪੀੜਤਾਂ ਦੀ ਗਿਣਤੀ ਵਧ ਕੇ 1574 ਹੋ ਗਈ ਹੈ, ਜਨਿ੍ਹਾਂ ਵਿਚੋਂ 1174 ਠੀਕ ਹੋ ਚੁੱਕੇ ਹਨ ਅਤੇ 332 ਜ਼ੇਰੇ ਇਲਾਜ ਹਨ।