‘ਚੰਦਰਯਾਨ 3’ ਬਾਰੇ ਅਦਾਕਾਰ ਪ੍ਰਕਾਸ਼ ਰਾਜ ਦੇ ਟਵੀਟ ’ਤੇ ਵਿਵਾਦ

ਮੁੰਬਈ, 21 ਅਗਸਤ
ਅਭਿਨੇਤਾ ਪ੍ਰਕਾਸ਼ ਰਾਜ ਵੱਲੋਂ ‘ਚੰਦਰਯਾਨ 3’ ਬਾਰੇ ਕੀਤੇ ਇਕ ਟਵੀਟ ’ਤੇ ਅੱਜ ਵਿਵਾਦ ਹੋ ਗਿਆ ਤੇ ਉਨ੍ਹਾਂ ਨੂੰ ਆਨਲਾਈਨ ਟਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਦੇ ਟਵੀਟ ਨੂੰ ਬਹੁਤਿਆਂ ਨੇ ਭਾਰਤ ਦੇ ਚੰਦਰਮਾ ਮਿਸ਼ਨ ਦਾ ਮਜ਼ਾਕ ਉਡਾਉਣ ਵਾਲਾ ਮੰਨਿਆ ਹੈ, ਤੇ ਨਾਲ ਹੀ ਲਿਖਿਆ ਹੈ ਕਿ ‘ਨਫ਼ਰਤ ਨੂੰ ਨਫ਼ਰਤ ਹੀ ਨਜ਼ਰ ਆਉਂਦੀ ਹੈ।’ ਰਾਜ ਨੇ ਇਕ ਵਿਅਕਤੀ ਦਾ ਕਾਰਟੂਨ ਸ਼ੇਅਰ ਕਰਦਿਆਂ ਕੈਪਸ਼ਨ ਵਿਚ ਲਿਖਿਆ, ‘ਤਾਜ਼ਾ ਖਬਰ: ਚੰਦਰਯਾਨ ਤੋਂ ਪਹਿਲਾ ਨਜ਼ਾਰਾ।’ ਹਾਲਾਂਕਿ ਅਦਾਕਾਰ ਨੇ ਕਾਰਟੂਨ ਵਾਲੇ ਵਿਅਕਤੀ ਦਾ ਨਾਂ ਨਹੀਂ ਲਿਖਿਆ, ਪਰ ਬਹੁਤੇ ਸੋਸ਼ਲ ਮੀਡੀਆ ਵਰਤੋਂਕਾਰਾਂ ਨੇ ਕਿਹਾ ਕਿ ਉਹ ‘ਇਸਰੋ’ ਦੇ ਸਾਬਕਾ ਮੁਖੀ ਕੇ. ਸਿਵਨ ਦਾ ਮਜ਼ਾਕ ਉਡਾ ਰਹੇ ਹਨ। ਪ੍ਰਕਾਸ਼ ਰਾਜ ਦੀ ਨਿਖੇਧੀ ਕਰਨ ਵਾਲਿਆਂ ਵਿਚ ਕਾਂਗਰਸ ਦੇ ਬੁਲਾਰੇ ਅਭਿਸ਼ੇਕ ਮਨੂ ਸਿੰਘਵੀ ਵੀ ਸ਼ਾਮਲ ਹਨ। -ਪੀਟੀਆਈ