ਕਾਂਗਰਸੀ ਨੇਤਾ ਪਵਨ ਬਾਂਸਲ ਈਡੀ ਦਫ਼ਤਰ ’ਚ ਪੇਸ਼ ਹੋਏ

ਨਵੀਂ ਦਿੱਲੀ, 7 ਨਵੰਬਰ
ਕਾਂਗਰਸੀ ਨੇਤਾ ਪਵਨ ਬਾਂਸਲ ਅੱਜ ਇੱਥੇ ਐਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਦਫ਼ਤਰ ਵਿੱਚ ਪੇਸ਼ ਹੋਏ। ਹਾਲਾਂਕਿ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਕੀ ਉਹ ਕਿਸੇ ਜਾਂਚ ਦੇ ਸਬੰਧ ’ਚ ਈਡੀ ਦੇ ਜਾਂਚਕਰਤਾਵਾਂ ਨੂੰ ਮਿਲੇ ਹਨ। ਏਜੰਸੀ ਨੇ ਪਵਨ ਬਾਂਸਲ (75) ਤੋਂ ਕਾਂਗਰਸ ਨਾਲ ਸਬੰਧਤ ‘ਯੰਗ ਇੰਡੀਅਨ’ ਵਿੱਚ ਕਥਤਿ ਵਿੱਤੀ ਬੇਨੇਮੀਆਂ ਸਬੰਧੀ ਇੱਕ ਮਨੀ ਲਾਂਡਰਿੰਗ ਕੇਸ ’ਚ ਆਖਰੀ ਵਾਰ ਅਪਰੈਲ 2022 ’ਚ ਪੁੱਛ ਪੜਤਾਲ ਕੀਤੀ ਸੀ। ਸਾਬਕਾ ਕੇਂਦਰੀ ਮੰਤਰੀ ਬਾਂਸਲ ਤੋਂ ਐਸੋਸੀਏਟਿਡ ਜਰਨਲਜ਼ ਲਿਮਟਿਡ (ਏਜੇਐੱਲ) ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਕਾਂਗਰਸ ਤੇ ਅੰਤਰਿਮ ਖਜ਼ਾਨਚੀ ਵਜੋਂ ਪੁੱਛ-ਪੜਤਾਲ ਕੀਤੀ ਗਈ ਸੀ। ਨੈਸ਼ਨਲ ਹੈਰਾਲਡ ਨੂੰ ਏਜੇਐੱਲ ਵੱਲੋਂ ਪ੍ਰਕਾਸ਼ਤਿ ਕੀਤਾ ਜਾਂਦਾ ਹੈ, ਜਿਸ ਦੀ ਮਾਲਕੀ ਯੰਗ ਇੰਡੀਅਨ ਪ੍ਰਾਈਵੇਟ ਲਿਮਟਿਡ ਕੋਲ ਹੈ। -ਪੀਟੀਆਈ