ਚੇਤੰਨਿਆ ਟੈਕਨੋ ਸਕੂਲ ਵਿੱਚ ਖੇਡ ਮੁਕਾਬਲੇ ਕਰਵਾਏ

ਪੱਤਰ ਪ੍ਰੇਰਕ
ਕਾਲਾਂਵਾਲੀ, 10 ਨਵੰਬਰ
ਸ਼੍ਰੀ ਚੇਤੰਨਿਆ ਟੈਕਨੋ ਸਕੂਲ ਕਾਲਾਂਵਾਲੀ ਵਿਚ ਸਲਾਨਾ ਖੇਡ ਮੁਕਾਬਲੇ ਕਰਵਾਏ ਗਏ। ਖੇਡ ਮੁਕਾਬਲਿਆਂ ਵਿੱਚ ਸਕੂਲ ਦੇ ਬੱਚਿਆਂ ਨੇ ਪੂਰੇ ਉਤਸ਼ਾਹ ਨਾਲ ਭਾਗ ਲਿਆ। ਇਹ ਖੇਡ ਮੁਕਾਬਲਾ ਨਰਸਰੀ, ਐਲਕੇਜੀ ਅਤੇ ਯੂਕੇਜੀ ਅਤੇ ਪਹਿਲੀ ਤੋਂ ਪੰਜਵੀਂ ਜਮਾਤ ਲਈ ਵੱਖਰੇ ਤੌਰ ’ਤੇ ਕਰਵਾਇਆ ਗਿਆ। ਪ੍ਰਾਇਮਰੀ ਖੇਡਾਂ ਲੈਮਨ ਰੇਸ, ਅੱਪਰ ਹੈਂਡ ਬਾਲ, 100 ਮੀ. ਰੇਸ, ਰਿਲੇਅ ਰੇਸ ਅਤੇ ਫੁਟਬਾਲ ਦੇ ਮੈਚ ਹੋਏ। ਛੇਵੀਂ ਜਮਾਤ ਤੋਂ ਲੈ ਕੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ 100 ਮੀ. ਦੌੜ, 200 ਮੀ. ਦੌੜ, 400 ਮੀ. ਰੇਸਿੰਗ, ਅੜਿੱਕਾ ਦੌੜ, ਫੁੱਟਬਾਲ, ਵਾਲੀਬਾਲ, ਬੈਡਮਿੰਟਨ, ਰੱਸਾਕਸ਼ੀ, ਚਮਚਾ ਦੌੜ, ਤਿੰਨ ਲੱਤਾਂ ਵਾਲੀ ਦੌੜ ਆਦਿ ਦੇ ਮੁਕਾਬਲੇ ਕਰਵਾਏ ਗਏ। ਸਕੂਲ ਦੇ ਏਜੀਐਮ ਬਾਲਾ ਕ੍ਰਿਸ਼ਨਾ, ਕਾਰਜਕਾਰੀ ਡੀਨ ਸ਼ਿਵਾ ਸਰ, ਜ਼ੋਨਲ ਕੋਆਰਡੀਨੇਟਰ ਮਿਸ ਸ਼ੀਤਲ, ਜ਼ੋਨਲ ਆਰ.ਆਈ ਪਨੀ ਕੁਮਾਰ ਅਤੇ ਅਕਾਦਮਿਕ ਡੀਨ ਪੱਪੀ ਰੈਡੀ ਨੇ ਪ੍ਰੋਗਰਾਮ ਦਾ ਉਦਘਾਟਨ ਕੀਤਾ। ਖੇਡ ਮੁਕਾਬਲਿਆਂ ਦੇ ਅੰਤ ਵਿੱਚ ਜੇਤੂ ਖਿਡਾਰੀਆਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਸਾਰੇ ਭਾਗ ਲੈਣ ਵਾਲੇ ਖਿਡਾਰੀਆਂ ਨੂੰ ਹਾਰਦਿਕ ਵਧਾਈ ਦਿੱਤੀ ਗਈ।