ਗਿਆਨ ਮੰਥਨ ਕੁਇੱਜ਼ ਕਰਵਾਇਆ

ਲੁਧਿਆਣਾ: ਯੂਬੀਐੱਸ ਪੀਯੂ ਖੇਤਰੀ ਕੇਂਦਰ, ਲੁਧਿਆਣਾ ਵੱਲੋਂ ਇਸ਼ਮੀਤ ਸੰਗੀਤ ਅਕੈਡਮੀ ਰਾਜਗੁਰੂ ਨਗਰ ਵਿੱਚ ਇੱਕ ਅੰਤਰਰਾਜੀ ਗਿਆਨ ਮੰਥਨ ਕੁਇਜ਼ ਕਰਵਾਇਆ ਗਿਆ। ਇਸ ਦੌਰਾਨ ਪ੍ਰਿਆ ਆਹੂਜਾ ਦੀ ਅਗਵਾਈ ਹੇਠ ਵਿਦਿਆਰਥਣਾਂ ਨੇ ਵਧੀਆ ਕਾਰਗੁਜ਼ਾਰੀ ਪੇਸ਼ ਕੀਤੀ। ਕੁੱਲ 12 ਟੀਮਾਂ ਵਾਲੇ ਇਸ ਕੁਇਜ਼ ਵਿੱਚ ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫ਼ਾਰ ਵਿਮੈੱਨ ਲੁਧਿਆਣਾ ਦੀਆਂ ਤਿੰਨ ਵਿਦਿਆਰਥਣਾਂ ਸੈਕਿੰਡ ਰਨਰ ਅੱਪ ਰਹੀਆਂ ਅਤੇ ਲਿਖਤੀ ਰਾਊਂਡ ਕੁਆਰਟਰ ਫਾਈਨਲ ਸੈਮੀ-ਫਾਈਨਲ ਅਤੇ ਫਿਰ ਫਾਈਨਲ ਰਾਊਂਡ ਵਿੱਚ ਮੁਕਾਬਲਾ ਕਰ ਕੇ 6000 ਰੁਪਏ ਦਾ ਇਨਾਮ ਜਿੱਤਿਆ। ਇਸ ਮੌਕੇ ਕਾਲਜ ਪ੍ਰਿੰਸੀਪਲ ਡਾ. ਕਿਰਨਦੀਪ ਕੌਰ ਅਤੇ ਕਾਲਜ ਪ੍ਰਬੰਧਕ ਕਮੇਟੀ ਦੇ ਸਮੂਹ ਮੈਂਬਰਾਂ ਨੇ ਵਿਦਿਆਰਥੀਆਂ ਦੇ ਉਪਰਾਲੇ ਦੀ ਸ਼ਲਾਘਾ। - ਖੇਤਰੀ ਪ੍ਰਤੀਨਿਧ